સેમિકન્ડકટરના પ્રથમ પ્લાન્ટના ગુજરાતમાં શ્રીગણેશ : આત્મનિર્ભર ભારતનું સપનું

આસામમાં પ્રથમ સેમિકન્ડકટર એસેમ્બલી અને ટેસ્ટ ફેસિલિટી પાવરચીપ સેમિકન્ડકટર મેન્યુફેકચરીંગ કોર્પોરેશન(પીએસએમસી) સાથે ભાગીદારી રોકાણ ૧,૧૮,૦૦૦ કરોડ

કોવિડમાં વિશ્વની સેમિકન્ડકટર સપ્લાય ચેઇન તુટી તેનાથી ઉદ્યોગોને જબરું નુકસાન ગયુ

કોવિડ બાદ વર્ક ફ્રોમ હોમ વધતાં ટેકનોલોજીની માંગ વધતાં સેમિકન્ડકટરની ડિમાન્ડ પણ વધી

આજે ભારત ૯પ ટકા સેમિકન્ડકટર ચીપ આયાત કરે છે :તાઇવાન,ચીન,સાઉથ કોરિયા અને અમેરિકા મુખ્ય ઉત્પાદક છે

સેમિકનડકટરની શોર્ટ સપ્લાયને કારણે ભારતમાં મારૂતી સુઝૂકીએ કોરોનામાં ૧,૭૦,૦૦૦ કારનું ઉત્પાદન ગુમાવ્યુ હતું

પ૦ હજાર જોબ ક્રિએટ કરશે ,વિશ્વની સેમિકન્ડકટર ચેઇનમાં જોડાશે

કોવિડમાં સેમિકન્ડકટર ચીપ ઉત્પાદન કરતાં દેશો ચીન,તાઇવાન,સાઉથ કોરિયા અને અમેરિકામાં કર્મચારીઓની તંગીના કારણે ઉત્પાદન લગભગ વેરવિખેર થઇ ગયુ હતું. બીજી બાજુ વર્ક ફ્રોમ હોમ શરૂ થતાં ટેકનોલોજી, વેરેબલ, ઓટોમોબાઇલ અને એ.આઇ. ઇન્ડસ્ટ્રીઝમાં સેમિકન્ડકટર ચીપની ડિમાન્ડ વધતાં દુનિયાભરમાં સેમિકન્ડકટરની સપ્લાય ચેઇનમાં ખાઇ સર્જાણી છે. ઉત્પાદન કરતાં માંગ વધુ છે. હજુ જે રીતે ભારતમાં ટેકનોલોજીનો વપરાશ વધતો જાય છે તેમ તેમ સેમિકન્ડકટર ચીપની માંગ વધતી જ જશે. ભારતની આજની વાત કરીએ તો ભારત તેની જરૂરિયાતની ૯પ ટકા સેમિકન્ડકટર ચીપ આયાત કરે છે. આવા સંજોગોમાં આત્મનિર્ભર ભારતની વાત એટલીસ્ટ આ ક્ષેત્રમાં ન ટકે. આથી સરકાર પેનડેમિક સમયમાં જ જાગી ગઇ હતી. મોદી સરકારે ભારતને સેમિકન્ડકટર ક્ષેત્રમાં આત્મનિર્ભર બનાવવા માટે ૧૦ અબજ ડોલરની ખાસ યોજના બનાવી છે.

આજે વડાપ્રધાનના હસ્તે વર્ચયુઅલ કાર્યક્રમમાં ગુજરાતના ધોલેરા ખાતે દેશના સૌ પ્રથમ  ટાટા અને તાઇવાનની પાવરચીપ સેમિકન્ડકટર મેન્યુફેકચરીંગ  કોર્પોરેશનની સંયુકત ભાગીદારીમાં રૂ.૧,૧૮,૦૦૦ કરોડ (૧૪ બિલિયન ડોલરથી વધુ)ના રોકાણ સાથે સેમિકન્ડકટર ફેબનું ખાતમુહુર્ત થવા જઇ રહયુ છે. આ સાથે જ આસામમાં પ્રથમ સેમિકન્ડકટર એસેમ્બલી અને ટેસ્ટ ફેસીલીટી સેન્ટર ઉભુ થઇ રહયુ છે. આ બન્ને પ્રોજેકટ પ૦ હજારથી વધુ પ્રત્યક્ષ અને પરોક્ષ  જોબ ઉભા કરશે.

મોદી સરકારની મહત્વાકાંક્ષી યોજના મુજબ ભારત ર૦ર૬ની સાલમાં સેમિકન્ડકટર ચીપ ઇન્ડસ્ટ્રીમા પપ બિલિયન ડોલરનું માર્કેટ ઘર આંગણે અને ગ્લોબલ માર્કેટ થકી હસ્તગત કરશે. સેમિકન્ડકટર અને એ.આઇ.ને ફયુચર ઇન્ડસ્ટ્રી કહેવાય છે. સેમિકન્ડકટર ક્ષેત્રે વિશ્વમાં ચાર દેશ પાસે જ ગ્લોબલ માર્કેટ છે. તે બતાવે છે કે સેમિકન્ડકટરનું ઉત્પાદન સ્કીલ વર્ક છે. પ્રિસિઝન વર્ક છે.કોમ્પલેકસ વર્ક છે. સેમિકન્ડકટર ચીપના ઉત્પાદન માટે ચોખ્ખુ પાણી ખુબ માત્રામાં જોઇએ છે. અવિરત વીજ પુરવઠો ખુબ જ અનિવાર્ય છે.

પરંતુ ભારતે કોવિડ દરમિયાન ઓટોમોટિવ, કોમ્પયુટીંગ,કોમ્યુનિકેશન અને એ.આઇ. માર્કેટમાં સેમિકન્ડકટરની અછતનો ભારે સામનો કર્યો હતો. તેને કારણ કોવિડ બાદ પણ મોટો ઉત્પાદન ફટકો પડ્યો હતો. સેમિ કન્ડકટરની ચીપની અછતના કારણે એક માત્ર મારૂતી સુઝુકીએ ૧,૭૦,૦૦૦ કારનું ઉત્પાદન ગુમાવ્યુ હતું. આજે ભારત ૯પ ટકા સેમિકન્ડકટર ચીપ આયાત કરે છે. ભવિષ્યમાં ભારત આયાત નિર્ભરતા ઘટાડી દેશમાં જ સેમિકન્ડકરની જરૂરિયાતને પહોંચી વળવા માટે મેક ઇન ઇન્ડિયાની તર્જ ઉપર આગળ વધશે. અટલું જ નહિ ગ્લોબલ માર્કેટમાં પણ સપ્લાય કરવાની મહત્વાકાંક્ષી યોજના ધરાવે છે.

વડાપ્રધાનના હસ્તે આજે ખાતમુહુર્ત થનારી સેમિકન્ડકર ઇન્ડસ્ટ્રીનું સો પ્રથમ એકમ આત્મનિર્ભર ભવિષ્યના ભારત તરફનું એક પગલું માત્ર નથી. આ હરણફાળનું પ્રથમ પગલું છે. નુતન ભારતની આશા,અપેક્ષા અને આત્મગૌરવની યાત્રાનું પ્રથમ ચરણ છે.