મધ્યપ્રદેશમાં પટવારી ભરતી માટે પસંદ થયેલા લોકો માટે ખુશખબર

• પસંદગી પામેલા ઉમેદવારોને જોડાવાની સૂચના આપવામાં આવી
  
• ગેરરીતિના આક્ષેપો થયા બાદ તત્કાલિન મુખ્યમંત્રી શિવરાજે તપાસના નિર્દેશ આપ્યા હતા
  
• મોહન યાદવની સરકારે અપવી કલિનચીટ
  

મધ્યપ્રદેશ પટવારી ભરતી સાથે જોડાયેલા ઉમેદવારો માટે એક મોટા સમાચાર સામે આવ્યા છે. પટવારીની પરીક્ષામાં ગેરરીતિ આચરનારને કલિનચીટ આપવામાં આવી છે. પટવારી ભરતી પરીક્ષાની તપાસ કરી રહેલા કમિશને તેની પ્રક્રિયાને કલિનચીટ આપી દીધી છે, ત્યારબાદ સામાન્ય વહીવટ વિભાગે પટવારી પરીક્ષામાં પસંદગી પામેલા ઉમેદવારોને જોડવા માટે સૂચનાઓ આપી છે.મળતી માહિતી મુજબ, મોહન યાદવ સરકાર ટૂંક સમયમાં પટવારી ભરતી પરીક્ષામાં પસંદ થયેલા ઉમેદવારોને નિમણૂક પત્ર આપશે. આ મામલે સામાન્ય વહીવટ વિભાગે તમામ સંબંધિત વિભાગોને સૂચના આપી છે. આદેશ મુજબ, પટવારી ભરતી પરીક્ષાના જાહેર થયેલા પરિણામોના આધારે લોકોને નિમણૂક આપવામાં આવે, આ સિવાય બાકીના પરિણામો પણ જાહેર કરવામાં આવશે.

ગેરરીતિના આક્ષેપો બાદ પરીક્ષાનું પરિણામ અટકાવી દેવામાં આવ્યું હતું

પટવારી ભરતી પરીક્ષામાં ગેરરીતિના આરોપ બાદ પરીક્ષાનું પરિણામ અટકાવી દેવામાં આવ્યું હતું. તત્કાલિન મુખ્યમંત્રી શિવરાજસિંહે ચૌહાણે આ અંગે તપાસ કરવા સૂચના આપી હતી. સરકારે તપાસ માટે કમિશનની રચના કરી હતી. આવી સ્થિતિમાં રાજ્યમાં થઈ રહેલી પટવારીની ભરતીને હવે કલિનચીટ મળી ગઈ છે. જે બાદ સ્ટાફ સિલેકશન બોર્ડ દ્વારા લેવાયેલ ગ્રુપ-2, પેટા ગ્રુપ-4 અને પટવારી ભરતી પરીક્ષાના જાહેર થયેલા પરિણામોના આધારે સામાન્ય વહીવટ વિભાગ દ્વારા સંબંધિત વિભાગોને નિમણૂક સંબંધિત કાર્યવાહીના આદેશો આપવામાં આવ્યા છે.

શું હતો સમગ્ર મામલો?

નવેમ્બર 2022માં, સ્ટાફ સિલેક્શન કમિશને પટવારી સહિત ગ્રેડ-3ની 9200 જગ્યાઓ માટે જાહેરનામું બહાર પાડયુ હતું. આ પરીક્ષા 15 માર્ચથી 26 એપ્રિલ દરમિયાન યોજાઈ હતી. અરજી કરનારા 1207963 ઉમેદવારોમાંથી 978270 ઉમેદવારોએ પરીક્ષા આપી હતી. સ્ટાફ સિલેકશન બોર્ડે 30 જૂન 2023ના રોજ 8617 પોસ્ટ માટેના પરિણામો જાહેર કર્યા. પરીક્ષામાં છેતરપિંડીનો આક્ષેપ કરીને રાજ્યના વિવિધ સ્થળોએ લાખો ઉમેદવારોએ વિરોધ પ્રદર્શન કર્યું હતું. શિવરાજ સિંહે પરીક્ષાની તપાસ કરાવવાની જાહેરાત કરી હતી. જુલાઈ 2023માં જસ્ટિસ રાજેન્દ્ર વર્માની અધ્યક્ષતામાં એક સભ્યના તપાસ પંચની રચના કરવામાં આવી હતી.