આજે યુવતીઓમાં ફરી પાછા લાંબા વાળની ફેશન ટ્રેન્ડ થઈ રહી છે. અત્યારે તહેવારના દિવસો શરૂ થઈ ગયા છે. આવા સમયમાં આકર્ષક દેખાવા વાળમાં વિવિધ પ્રકારની સ્ટાઈલ યુવતીઓ કરતી હોય છે. પરંતુ હેર લાંબા વાળના હોવાના કારણે તેઓ કયારેક મનપસંદ હેરસ્ટાઈલ નથી કરી શકતી. વાળ લાંબા કરવા માટે યુવતીઓ ટ્રીટમેન્ટનો પણ સહારો લે છે છતાં કોઈ ફરક પડતો નથી. ત્યારે આ ઘરેલુ ઉપચાર જરૂર વાળની સમસ્યા દૂર કરશે.
આ ઉપચારથી વાળનો વધશે ગ્રોથ
નાળિયેરનું તેલ: વાળા લાંબા કરવા અને ગ્રોથ વધારવા નાળિયેર તેલ વધુ અસરકારક સાબિત થશે. તમે નિયમિત પણે વાળમાં રાત્રિના સમેય નાળિયેર તેલ અને ઓલિવ તેલનું મિશ્રણ લગાવી માલિશ કરો. આખી રાત આ મિશ્રણ રાખી બીજા દિવસે શેમ્પુ કરી શકો છો. આ ઉપાય અઠવાડિયામાં બે થી ત્રણ વખત કરશો તો થોડા જ દિવસોમાં સારું પરિણામ મળશે.
દહીં અને મધ: બરછટ વાળને સિલ્કી કરવા હોય તો તમે દહીંનો ઉપયોગ કરો. બે ચમચી દહીં અને એક ચમચી મધ લઈને તેમને સારી રીતે મિક્સ કરીને હેર માસ્ક તૈયાર કરો. પછી આ હેરમાસ્ક શેમ્પુ કરતા પહેલા લગાવો. વાળમાં 45 મિનિટ સુધી આ હેર માસ્ક લગાવી રાખો પછી માઇલ્ડ શેમ્પૂની મદદથી ધોઈ લો. સપ્તાહમાં એક વખત માસ્ક લગાવવાથી વાળ થોડા જ સમયમાં વાળ લાંબા અને ભરાવદાર થશે.
આમળાં : ઔષધિય ગુણથી ભરપૂર આમળાં દરેક રીતે ગુણકારી છે. તેમાં રહેલ વિટામિન-સીના કારણે આમળા ખાવાથી પણ ફાયદો થાય અને વાળની સમસ્યા પણ દૂર કરે છે. આમળાનો રસ વાળના સ્કાલપમાં લગાવી 15 થી 20 મિનિટ લગાવી રાખો. પછી વાળ સાદા પાણીથી ધોઈ નાખો. આમ કરવાથી વાળમાં ખોડાની સમસ્યા દૂર થશે અને વાળનો ગ્રોથ પણ વધશે.
ડુંગળી : આમળાંની જેમ ડુંગળીના પણ અનેક ફાયદાઓ છે. જે લોકો ડુંગળીની દુર્ગંધથી ભાગે છે તે લોક પણ ડુંગળીનો ઉપયોગ કરવા લાગ્યા છે. વાળમાં સૌથી ઝડપી પરિણામ મેળવવું હોય તો ડુંગળીનો રસ લગાવો. ડુંગળીનો રસ નિયમિત માથામાં લગાવવાથી વાળ લાંબા થશે અને ગ્રોથ પણ વધશે. તમે ડુંગળીના રસ કોઈપણ તેલમાં નાખીને માલિશ કરી શકો છો. અને થોડો સમય લગાવી શેમ્પુથી વાળ ધોઈ નાખો.
(Disclaimer: આ માહિતી વાચકોને વધારે વિગતો પુરી પાડવા માટે છે અને આ સંદર્ભમાં વધારે જાણકારી મેળવવા માટે આપ તજજ્ઞોનો સંપર્ક સાધી શકશો. )
