- હાઇબીપીના દર્દીઓએ રાખવી ખાસ સાવધાની
- શરીરમાં જોવા મળતા ફેરફારોને અવગણશો નહી
- સાયલન્ટ લક્ષણો તમારા જીવને મૂકીને શકે છે જોખમમાં
આજની ફાસ્ટ લાઇફસ્ટાઇલ અને ફાસ્ટ ફૂડને કારણે લોકો અનેક રોગોના ભોગ બને છે. બીપી, ડાયાબિટીસ, સ્થૂળતા આ બધુ અત્યારે લોકોમાં બહુ કોમન જોવા મળે છે. જીવન શૈલી બેઠાડુ હોવાને કારણે અનેક રોગો ઉભા થાય છે. ત્યારે જો તમને બીપી, ડાયાબિટીસ જેવી કોઇ પણ બીમારી હોય તો સામાન્ય ન ગણતા. આ બીમારીઓને સાયલન્ટ કિલર કહેવામાં આવે છે. ત્યારે આવો જાણીએ હાઇ બીપીના કેટલાક લક્ષણ જેનાથી ચેતી જવાની જરૂર છે.
હાઈ બ્લડ પ્રેશર અથવા હાઈપરટેન્શનના કેટલાક સાયલન્ટ લક્ષણો છે. જેના વિશે ખબર પડતી નથી પણ તે સ્વાસ્થ્યને નુકસાન પહોંચાડે છે. તેથી જ હાઈ બ્લડ પ્રેશરને સાયલન્ટ કિલર પણ કહેવામાં આવે છે. સવારે બ્લડપ્રેશર તપાસવુ ખૂબ જ જરૂરી છે. આ કાર્ડિયોવેસ્ક્યુલર હેલ્થ વિશે માહિતી આપે છે. જો કોઈ વ્યક્તિને હાઈપરટેન્શન છે અને આવા લક્ષણો સવારે દેખાય છે, તો તેને અવગણશો નહીં. તમારા હૃદયના સ્વાસ્થ્ય માટે આ મહત્વપૂર્ણ છે.
હાઇ બીપીના પેશન્ટમાં સવારે જોવા મળે છે આ લક્ષણો તો
- જો સવારે ઉઠ્યા પછી પણ માથાનો દુખાવો ચાલુ રહે છે, તો તેનું કારણ હાઈ બ્લડ પ્રેશર છે. હાઈ બ્લડ પ્રેશર રક્તવાહિનીઓમાં ખેંચાણનું કારણ બને છે. જેના કારણે માથાનો દુખાવો થવા લાગે છે.
- જો કોઈ કારણ વગર અચાનક જ નાકમાંથી લોહી પડતું હોય તો હાઈ બ્લડ પ્રેશરનું લક્ષણ છે. હાઈ બ્લડપ્રેશરને કારણે નાકમાં રહેલી નાજુક રક્તવાહિનીઓને નુકસાન થાય છે જેથી નાકમાંથી લોહી પડવા લાગે છે.
- જો તમે સવારે ઉઠ્યા પછી પણ થાક અનુભવો છો, તો તે હાઈ બ્લડ પ્રેશરનું લક્ષણ છે, જેના કારણે એનર્જી લેવલ પ્રભાવિત થાય છે.
- હાયપરટેન્શનને લીધે, વ્યક્તિ ઘણીવાર સવારમાં બેચેની અને ગભરાટ અનુભવે છે.
- જાગ્યા પછી ચક્કર આવવા એ બ્લડ પ્રેશરમાં વધઘટને કારણે થાય છે.
