- ટામેટાનો સૂપ વિટામિનથી ભરપૂર
- અલોવેરાનો જ્યૂસ કડવાશ કરશે દૂર
- મીઠાના પાણીના કોગળા કરવાથી બેક્ટેરિયા થશે ખતમ
સામાન્ય રીતે તાવ ગમે ત્યારે આવી જતો હોય છે. આ સાથે અત્યારે જ્યારે ચોમાસું દસ્તક દઈ ચૂક્યું છે ત્યારે સીઝનમાં ફેરફાર આવવાના કારણે તાવની બીમારી જોવા મળે છે. તાવમાં શરીર તપવાની સાથે મોઢાનો ટેસ્ટ પણ ખરાબ થઈ જાય છે. તાવ આવે ત્યારે એક વાત કોમન રહે છે કે કંઈ ભાવતું નથી. ટેસ્ટ આવતો નથી. આ સમયે તમે ટેસ્ટ પરત લાવવા અને સાથે હેલ્ધી રહેવા માટે ઘરે બનાવેલા કેટલાક સૂપ અને જ્યુસ ટ્રાય કરી શકો છો. તો જાણો શું ટ્રાય કરવું.
ટામેટાનો સૂપ
ટામેટાનો સૂપ ટેસ્ટી હોય છે. ગરમ સૂપ હેલ્થ માટે ચોમાસામાં સારો માનવામાં આવે છે. તેમાં વિટામિનનું પ્રમાણ ભરપૂર હોય છે. આ શાકનો સૂપ પીવાથી મોઢાનો કડવો ટેસ્ટ દૂર થાય છે. સાથે તાવથી છૂટકારો મેળવવામાં રાહત મળે છે. તમે એક દિવસમાં 2 કપ સૂપ પી શકો છો.
મીઠાના પાણીના કરો કોગળા
તાવ આવે તો મોઢાનો સ્વાદ બગડી જાય છે. આ સમસ્યાને દૂર કરવા માટે મીઠાના પાણીના કોગળા કરી શકાય છે. આ માટે હૂંફાળું પાણી પીઓ. તમે દિવસમાં 2-3 વાર આવું કરશો તો મીઠાના એન્ટીસેપ્ટિક ગુણના કારણે બેક્ટેરિયા ખતમ થશે અને ટેસ્ટ પણ સારો રહેશે.
અલોવેરાનો જ્યૂસ
અલોવેરાનો ઉપયોગ સ્કીન માટે થાય છે અને સાથે અનેક લોકો સવારમાં તેનો જ્યુસ પીવાનું પણ પસંદ કરે છે. તેનો ઉપયોગ તમે તાવ આવે ત્યારે પણ કરી શકો છો. આ જ્યૂસમાં એન્ટીઓક્સીડન્ટ, એન્ટીઈન્ફ્લેમેટ્રી અને એન્ટીમાઈક્રોબેયલ પ્રોપટ્ટી મોઢાની કડવાશને સરળતાથી દૂર કરે છે. આ જ્યૂસ હેલ્થ માટે પણ હેલ્ધી માનવામાં આવે છે.
