ભારત અને ઈંગ્લેન્ડ વચ્ચે ત્રણ મેચની ODI સિરીઝની ત્રીજી મેચ અમદાવાદમાં રમાઈ રહી છે. આ મેચમાં ટીમ ઈન્ડિયાના સ્ટાર બેટ્સમેન વિરાટ કોહલીએ ફોર્મમાં પરત ફરવાનો સંકેતો બતાવ્યા છે. આ મેચમાં તેને 52 રનની ઈનિંગ રમી. આ સમય દરમિયાન, તેને તેમના શાનદાર કારકિર્દીમાં વધુ એક સિદ્ધિનો ઉમેરો કર્યો છે.
આ સિદ્ધિ મેળવનાર પ્રથમ બન્યો ભારતીય
તે ઈંગ્લેન્ડ સામે 4,000 આંતરરાષ્ટ્રીય રન બનાવનાર પ્રથમ ભારતીય અને કુલ છઠ્ઠો ખેલાડી બન્યો. કોહલીએ ઈંગ્લિશ ટીમ સામેની તેની 87મી મેચમાં આ સિદ્ધિ મેળવી. તેને ઈંગ્લેન્ડ સામે આઠ સદી અને 23 અડધી સદી ફટકારી છે.
વિરાટ કોહલી માટે મહત્ત્વપૂર્ણ ઈનિંગ
આ સાથે, તે ઓસ્ટ્રેલિયન ડોન બ્રેડમેન (5,028 રન), એલન બોર્ડર (4,850), સ્ટીવ સ્મિથ (4,815), વિવ રિચાર્ડ્સ (4,488) અને રિકી પોન્ટિંગ (4,141) ની વિશિષ્ટ ક્લબમાં જોડાઈ ગયો છે. આ પહેલા વિરાટ કોહલીએ ઈંગ્લેન્ડ સામે પોતાની 73મી ODI અડધી સદી ફટકારી હતી. તેને 55 બોલમાં સાત ચોગ્ગા અને એક છગ્ગાની મદદથી 52 રન બનાવ્યા. આ રન વિરાટ કોહલી માટે ખૂબ જ મહત્વપૂર્ણ હતો જે ખરાબ ફોર્મ સાથે સંઘર્ષ કરી રહ્યો હતો કારણ કે ટીમ ઈન્ડિયા આગામી સમયમાં ચેમ્પિયન્સ ટ્રોફીમાં ભાગ લેવાની છે.
વિરાટ કોહલીએ બનાવ્યો આ રેકોર્ડ
કોહલી એશિયામાં સૌથી ઝડપી 16,000 આંતરરાષ્ટ્રીય રન બનાવનાર ખેલાડી બની ગયો છે. આ સિવાય તે એશિયામાં 16,000 રનનો આંકડો પાર કરનાર માત્ર બીજો ભારતીય બેટ્સમેન બન્યો છે. કોહલીએ આ ઐતિહાસિક સિદ્ધિ માત્ર 340 ઈનિંગ્સમાં હાંસલ કરી, અને સચિન તેંડુલકરનો રેકોર્ડ તોડી નાખ્યો, જેને આ સિદ્ધિ મેળવવા માટે 353 ઈનિંગ્સ લીધી હતી. તેને શ્રીલંકાના કુમાર સંગાકારા (360 ઈનિંગ્સ) અને મહેલા જયવર્ધને (401 ઈનિંગ્સ) ને પણ પાછળ છોડી દીધા.
