ભારતીય ટીમ જૂનમાં ઇંગ્લેન્ડના પ્રવાસે જવાની છે. આ પ્રવાસમાં ટીમ ઇન્ડિયા નવા કેપ્ટન સાથે મેદાનમાં ઉતરશે કારણ કે રોહિત શર્માએ ટેસ્ટ ક્રિકેટમાંથી નિવૃત્તિ લીધી છે. ટીમ ઇન્ડિયાએ ઇંગ્લેન્ડમાં 5 ટેસ્ટ મેચ રમવાની છે જેના માટે ટીમ ઇન્ડિયાની જાહેરાત ટૂંક સમયમાં થઈ શકે છે. આ સીરીઝને લઈને મોહમ્મદ શમી ટીમ ઇન્ડિયામાંથી બહાર હોય તેવું લાગે છે.
શમી ઇંગ્લેન્ડ પ્રવાસ પર નહીં હોય!
અહેવાલ અનુસાર, BCCIના એક સૂત્રએ દાવો કર્યો હતો કે, ‘શમીને આંતરરાષ્ટ્રીય ક્રિકેટમાં પાછા ફર્યાને ઘણા મહિના થઈ ગયા છે પરંતુ તે ભાગ્યે જ લયમાં આવી શક્યો છે. જ્યારે ભારતની ટીમોની પસંદગી કરતી વખતે IPLના પ્રદર્શનને સામાન્ય રીતે ધ્યાનમાં લેવામાં આવતું નથી ત્યારે શમી પોતાનો રન-અપ પૂર્ણ કરવા માટે સંઘર્ષ કરી રહ્યો છે.
શમી હંમેશા થોડા સમય માટે આરામ કર્યા પછી ડ્રેસિંગ રૂમમાં પાછો ફરે છે. IPL 2025માં શમીનું પ્રદર્શન પણ કંઈ ખાસ રહ્યું નથી. સૂત્રએ જણાવ્યું હતું કે પ્રારંભિક યોજના એ સુનિશ્ચિત કરવાની હતી કે ટીમ દરેક ટેસ્ટમાં બુમરાહ અથવા શમીમાંથી કોઈ એકને રમી શકે. જોકે, બુમરાહ ફક્ત બે કે ત્રણ ટેસ્ટ રમી શકે તેવી શક્યતા છે. પસંદગીકારો સમજવાનો પ્રયાસ કરી રહ્યા છે કે શમી કઈ સમસ્યાનો સામનો કરી રહ્યો છે.
IPL 2025માં શમીનું ખરાબ પ્રદર્શન
ODI વર્લ્ડ કપ 2023ના મોહમ્મદ શમી ઈજાને કારણે લાંબા સમય સુધી ક્રિકેટના મેદાનથી દૂર રહ્યા હતા. ત્યારબાદ શમી ચેમ્પિયન્સ ટ્રોફી 2025માં રમતા જોવા મળ્યા હતા પરંતુ ઈજા પછી શમીની બોલિંગ પહેલા જેવી દેખાતી નથી. શમી IPLમાં પણ કંઈ ખાસ બોલિંગ કરી શક્યો નથી. તેણે અત્યાર સુધીમાં 180 બોલ ફેંક્યા છે જેમાં શમીએ 11.23ની ઇકોનોમી પર 337 રન આપ્યા છે.
ભારત-ઇંગ્લેન્ડ ટેસ્ટ સીરીઝનું સમયપત્રક
ભારત અને ઇંગ્લેન્ડ વચ્ચે 5 મેચની ટેસ્ટ સીરીઝ 20 જૂનથી શરૂ થશે. પહેલી મેચ 20 જૂનથી 24 જૂન, બીજી મેચ 2થી 6 જુલાઈ, ત્રીજી મેચ 10 થી 14 જુલાઈ, ચોથી મેચ 23 થી 27 જુલાઈ અને પાંચમી ટેસ્ટ મેચ 31 જુલાઈથી 4 ઓગસ્ટ દરમિયાન રમાશે.
