- ભારત અને સાઉથ આફ્રિકા વચ્ચે 2 મેચની ટેસ્ટ સિરીઝ
- આજે આ સિરીઝની પ્રથમ ટેસ્ટ સેન્ચુરિયનમાં રમાશે
- ભારત સાઉથ આફ્રિકામાં ક્યારેય ટેસ્ટ સિરીઝ જીતી શકી નથી
ભારત અને સાઉથ આફ્રિકા વચ્ચે આજથી ટેસ્ટ સિરીઝ શરૂ થઈ રહી છે. સાઉથ આફ્રિકાના પ્રવાસે ગયેલી ટીમ ઈન્ડિયાએ પહેલા T20 સિરીઝ રમી જે 1-1થી બરાબર રહી હતી. ત્યારબાદ વનડે સિરીઝ જીતી અને હવે ટેસ્ટ સિરીઝમાં ઈતિહાસ રચવા માટે તૈયાર છે. ભારતીય ક્રિકેટ ટીમ આજ સુધી સાઉથ આફ્રિકામાં ક્યારેય ટેસ્ટ સિરીઝ જીતી શકી નથી. આ ટેસ્ટ સિરીઝમાં ODI વર્લ્ડ કપ બાદ પ્રથમ વખત વિરાટ કોહલી અને રોહિત શર્મા રમતા જોવા મળશે.
રોહિત શર્માની કપ્તાનીમાં રમશે ટેસ્ટ મેચ
ભારત અને સાઉથ આફ્રિકા વચ્ચે આજથી 2 મેચની ટેસ્ટ સીરિઝ શરૂ થઈ રહી છે. આ સિરીઝની પ્રથમ મેચ આજે સેન્ચુરિયન મેદાન પર રમાશે. આ મેચ ભારતીય સમય અનુસાર બપોરે 1.30 વાગ્યે શરૂ થશે. આ વખતે ટીમ ઈન્ડિયા રોહિત શર્માની કપ્તાનીમાં પ્રથમ વખત સાઉથ આફ્રિકામાં ટેસ્ટ સિરીઝ શરૂ કરવા જઈ રહી છે. આવી સ્થિતિમાં, આશા છે કે નવા કેપ્ટન સાથે ટીમ ઈન્ડિયા સાઉથ આફ્રિકામાં એક નવો રેકોર્ડ બનાવશે અને નવો ઈતિહાસ રચશે.
આ પ્લેટફોર્મ પર લાઈવ સ્ટ્રીમિંગ જોઈ શકો છો
જો તમે આ મેચ ટીવી પર જોવા માંગતા હોવ, તો તમે સ્ટાર સ્પોર્ટ્સ નેટવર્કની ચેનલ પર જોઈ શકો છો. આ ઉપરાંત, જો તમે તમારા મોબાઇલ ફોન પર ભારત અને સાઉથ આફ્રિકા વચ્ચેની આ મનોરંજક ટેસ્ટ મેચનું લાઇવ સ્ટ્રીમિંગ જોવા માંગો છો, તો તમારે તમારા મોબાઇલ ફોન પર ડિઝની પ્લસ હોટસ્ટાર પર જોઈ શકો છો. આ મેચનું લાઈવ સ્ટ્રીમિંગ જોવા માટે તમારે એક પણ રૂપિયો ખર્ચવાની જરૂર નહીં પડે. મતલબ કે તમારે કોઈપણ એપનું સબસ્ક્રિપ્શન લેવાની જરૂર નથી. તમે ડિઝની પ્લસ હોટસ્ટાર એપ ડાઉનલોડ કરીને આ મેચનું લાઈવ સ્ટ્રીમિંગ ફ્રીમાં જોઈ શકશો.
