- કેન્દ્રિય ગૃહ મંત્રાલયે 7 જિલ્લામાં ઈન્ટરનેટ પર પ્રતિબંધ લાદ્યો
- પટીયાલા, એસએસનગર, ભટિંટા સહિતના જિલ્લામાં પ્રતિબંધ
- ભારતીય ટેલિગ્રાફ અધિનિયમ 1885ની કલમ 7નો ઉપયોગ કર્યો
ખેડૂતોના વિરોધને પગલે કેન્દ્રીય ગૃહ મંત્રાલયે પંજાબના 7 જિલ્લાઓમાં 24 ફેબ્રુઆરી સુધી ઈન્ટરનેટ સેવાઓ પર પ્રતિબંધ લાદ્યો છે. જેમાં પંજાબના સાત જિલ્લાઓમાં પટિયાલા, એસએએસ નગર, ભટિંડા, શ્રી મુક્તસર સાહિબ, માનસા, સંગરુર અને ફતેહગઢ સાહિબમાં ઈન્ટરનેટ સેવાઓ પર પ્રતિબંધ ફરમાવાયો છે.
17 થી 24 ફેબ્રુઆરી સુધી ઇન્ટરનેટ સેવાઓ સ્થગિત
ભારતીય ટેલિગ્રાફ અધિનિયમ, 1885ની કલમ-7 દ્વારા આપવામાં આવેલી સત્તાનો ઉપયોગ કરીને, ટેમ્પરરી સસ્પેન્શન ઓફ ટેલિકોમ સર્વિસીસ (જાહેર કટોકટી અથવા જાહેર સલામતી) નિયમો 2017ના નિયમ-2ના પેટા નિયમ-1 સાથે અને જાહેર સલામતી અને જાહેર કટોકટીને ટાળવા માટે, 17 થી 24 ફેબ્રુઆરી સુધી ઇન્ટરનેટ સેવાઓને અસ્થાયી રૂપે સ્થગિત કરવાનો આદેશ આપવો જરુરી હોવાથી આદેશ અપાયો છે.
‘ચલો દિલ્હી’ કાર્યક્રમને ધ્યાનમાં રાખીને ઇન્ટરનેટ બંધ
અગાઉ હરિયાણા સરકારે શનિવારે ખેડૂતોના સંગઠનો દ્વારા આપવામાં આવેલા ‘ચલો દિલ્હી’ કાર્યક્રમને ધ્યાનમાં રાખીને સાત જિલ્લાઓમાં મોબાઇલ ઇન્ટરનેટ અને બલ્ક એસએમએસ સેવાઓ પરનો પ્રતિબંધ 19 ફેબ્રુઆરી સુધી લંબાવ્યો હતો.
સરકારે ખેડૂતોની 10 માંગણીઓ સ્વીકારી છે
અગાઉ 8, 12 અને 15 ફેબ્રુઆરીએ ખેડૂત આગેવાનો અને સરકાર વચ્ચે બેઠક યોજાઈ હતી, પરંતુ કોઈ સફળતા મળી ન હતી. કારણ કે, ખેડૂતો પાક માટે લઘુત્તમ ટેકાના ભાવ (એમએસપી)ની ગેરંટી આપવાની તેમની માંગ પર અડગ રહ્યા. સરકારે ખેડૂતોની 10 માંગણીઓ સ્વીકારી છે. મામલો ત્રણ માંગ પર અટવાયેલો છે. એટલે કે, લઘુત્તમ ટેકાના ભાવ (MSP) ગેરંટી એક્ટ, ખેડૂતોની લોન માફી અને 60 વર્ષથી વધુ ઉંમરના ખેડૂતોને પેન્શન પર કોઈ સર્વસંમતિ થઈ શકી નથી.
અગાઉ 8, 12 અને 15 ફેબ્રુઆરીએ ખેડૂત આગેવાનો અને સરકાર વચ્ચે બેઠક યોજાઈ હતી
કેન્દ્રીય કૃષિ મંત્રી અર્જુન મુંડાએ પણ આશા વ્યક્ત કરી છે કે રવિવારે ખેડૂત સંગઠનો સાથેની બેઠકમાં કંઈક ઉકેલ આવશે. તેમણે કહ્યું કે અમે ટૂંક સમયમાં ઉકેલ શોધીશું. આવી સ્થિતિમાં એવી પણ ચર્ચા છે કે કેન્દ્ર સરકાર ખેડૂતોને MSP પર કમિટી બનાવવાનો પ્રસ્તાવ આપી શકે છે. જો કે, શું આ મંજૂર થશે કે નહીં અને ખેડૂતો દિલ્હી કૂચ પર અડગ રહેશે કે તેઓ ઘરે પરત ફરશે? આ પ્રશ્નોના જવાબ હવે રવિવારની બેઠક બાદ જ મળશે.
સૌ કોઇ ઇચ્છી રહ્યુ છે કે બેઠકમાં ઉકેલ આવે
ખેડૂતો વતી રવિવારે ચોથા રાઉન્ડની વાટાઘાટોમાં ભાગ લેનાર ખેડૂત નેતા સર્વન સિંહ પંઢેરે કહ્યું કે અમે સકારાત્મક માનસિકતા સાથે બેઠકમાં જઈશું. અમે ઈચ્છીએ છીએ કે સરકાર પણ સકારાત્મક બને અને મીટિંગમાંથી કંઈક સારું બહાર આવે. મિટિંગમાં જઈને કંઈક લઈને આવવાનું અમારું મન છે. અમે ઈચ્છીએ છીએ કે સરકાર આ સમસ્યાનો ઉકેલ લાવે. અમે ઈચ્છીએ છીએ કે સરકાર MSP ખરીદીની ખાતરી આપવા માટે કાયદો ઘડે. હવે સરકારે નક્કી કરવું જોઈએ કે તેને કેવી રીતે બનાવવું. અમે સભામાં કંઈક સકારાત્મક મેળવવા ઈચ્છીએ છીએ અને પછી વિજયના નારા લગાવતા ઘરે જઈએ છીએ.
