MS Dhoniએ રચ્યો ઈતિહાસ, આવું કરનાર બન્યો વિશ્વનો પ્રથમ બેટ્સમેન

IPL 2025 માં, શનિવારે ચેન્નાઈ સુપર કિંગ્સ અને દિલ્હી કેપિટલ્સ વચ્ચે મેચ રમાઈ હતી. બંને ટીમો વચ્ચેનો મુકાબલો ચેન્નાઈના ચેપોક સ્ટેડિયમમાં રમાયો હતો. આ દરમિયાન, એમએસ ધોનીએ 30 રન બનાવીને એક નવો રેકોર્ડ બનાવ્યો. તે ચેપોક સ્ટેડિયમમાં 1500 થી વધુ રન બનાવનાર પ્રથમ ખેલાડી બન્યો છે. દિલ્હીએ CSK ને 184 રનનો લક્ષ્યાંક આપ્યો હતો. જવાબમાં CSK સમગ્ર 20 ઓવરમાં ફક્ત 158 રન જ બનાવી શક્યું. જેના કારણે તેઓ આ મેચ 25 રનથી હારી ગયા. ધોની 26 બોલમાં 30 રન બનાવીને અણનમ રહ્યો. ભલે તે આ ઈનિંગથી પોતાની ટીમને જીત અપાવી શક્યો ન હતો. પરંતુ ધોનીની આ ઈનિંગ સાથે, તેનું નામ ઈતિહાસના પાનામાં નોંધાઈ ગયું. ચેપોક સ્ટેડિયમમાં ધોનીએ હવે IPLમાં 1509 રન બનાવ્યા છે. આ પહેલા આ મેદાન પર સૌથી વધુ રન બનાવવાનો રેકોર્ડ સુરેશ રૈનાના નામે હતો. તેને આ મેદાન પર 1498 રન બનાવ્યા છે. IPLમાં કોઈપણ મેદાન પર સૌથી વધુ રન બનાવવાનો રેકોર્ડ વિરાટ કોહલીના નામે છે. તેને બેંગ્લોરના ચિન્નાસ્વામી સ્ટેડિયમ ખાતે 3037 રન બનાવ્યા છે. આ પછી, રોહિત શર્માનું નામ આ લિસ્ટમાં આવે છે. રોહિતે મુંબઈના વાનખેડે સ્ટેડિયમમાં 2308 રન બનાવ્યા છે. એબી ડી વિલિયર્સ ત્રીજા નંબર પર છે. જેને બેંગ્લોરમાં 1960 રન બનાવ્યા છે.