IPL 2025 માં, આજે RCB ટીમ પંજાબ કિંગ્સ સાથે ક્વોલિફાયર 1 રમવા જઈ રહી છે અને આજ સુધી RCB નો રેકોર્ડ છે કે જ્યારે પણ ટીમ ક્વોલિફાયર 1 રમી છે, ત્યારે ટીમ ફાઈનલમાં પહોંચી છે.આ પરિસ્થિતિમાં, RCB ની ફાઈનલમાં પહોંચવાની શક્યતાઓ ફરી એકવાર ધ્યાનમાં લેવામાં આવી રહી છે. બીજી તરફ, ટીમના સૌથી સિનિયર અને સ્ટાર ખેલાડી વિરાટ કોહલીનું પ્રદર્શન પણ આ સિઝનમાં અદ્ભુત રહ્યું છે.
અત્યાર સુધી, વિરાટ RCB માટે સૌથી વધુ રન બનાવનાર ખેલાડી છે. વિરાટ કોહલી હવે RCBનો કેપ્ટન ન હોય શકે, પરંતુ ભૂતપૂર્વ કેપ્ટન તરીકે તે બધા ખેલાડીઓનું માર્ગદર્શન કરતો જોવા મળે છે. આરસીબીમાં વિરાટ મહત્વપૂર્ણ ભૂમિકા ભજવે છે.
વિરાટ કોહલી IPLમાંથી નિવૃત્તિ લેશે?
આંતરરાષ્ટ્રીય ક્રિકેટમાં, વિરાટ કોહલીએ આ બે ફોર્મેટ – T20 અને ટેસ્ટમાંથી નિવૃત્તિ લીધી છે. કોહલી હવે ODI ક્રિકેટમાં રમતો જોવા મળશે. વિરાટ કોહલીએ પોતાના કરિયરમાં બધું જ હાંસિલ કર્યું, પરંતુ તે પોતાના 18 વર્ષના IPL કારકિર્દીમાં ક્યારેય ટ્રોફી જીતી શક્યો નહીં. કોહલી 18 વર્ષથી સતત IPLમાં RCB માટે રમી રહ્યો છે, આ દરમિયાન તેને ઘણા વર્ષો સુધી ટીમનું નેતૃત્વ પણ કર્યું, પરંતુ આજ સુધી RCB IPLનો ખિતાબ જીતી શક્યું નથી. આ વખતે IPL 2025માં RCB ટીમ જે રીતે રમી રહી છે અને વિરાટનું પ્રદર્શન જે રીતે રહ્યું છે, તેને જોતાં ટીમને ટ્રોફી જીતવાની મજબૂત દાવેદાર માનવામાં આવી રહી છે.
આ પરિસ્થિતિમાં, શક્ય છે કે જો RCB IPL 2025નો ખિતાબ જીતે, તો કોહલી આમાંથી પણ નિવૃત્તિ લઈ શકે છે. ફેન્સ અને કોહલી પણ લાંબા સમયથી RCB માટે પહેલી ટ્રોફીની રાહ જોઈ રહ્યા હતા. દરમિયાન, RCB ટીમ 3 વખત IPL ફાઈનલમાં પહોંચી હતી પરંતુ ક્યારેય જીતી શકી ન હતી. RCB છેલ્લી વખત 2016 માં IPL ફાઈનલમાં પહોંચ્યું હતું, જ્યારે વિરાટ કોહલીની કેપ્ટનશીપ હેઠળની ટીમ સનરાઈઝર્સ હૈદરાબાદ સામે હારી ગઈ હતી.
વિરાટે તેના કરિયરમાં આ બધું કર્યું હાંસિલ
વિરાટ કોહલીએ ODI વર્લ્ડકપ જીત્યો છે. વિરાટ કોહલી 2011 ના ODI વર્લ્ડકપ દરમિયાન ટીમ ઈન્ડિયાનો ભાગ હતો અને એમએસ ધોનીની કેપ્ટનશીપ હેઠળ ટીમ ઈન્ડિયાએ ટાઈટલ જીત્યું હતું. આ સિવાય તેમની કેપ્ટનશીપ હેઠળ, ટીમ ઈન્ડિયા લાંબા સમય સુધી ટેસ્ટ ક્રિકેટમાં નંબર-1 રહી. વિરાટની કેપ્ટનશીપ હેઠળ ટીમ ઈન્ડિયાએ ઓસ્ટ્રેલિયાને તેના હોમ ગ્રાઉન્ડ અને ઈંગ્લેન્ડને ઈંગ્લેન્ડમાં હરાવ્યું. વિરાટે T20 વર્લ્ડકપ અને ચેમ્પિયન્સ ટ્રોફી પણ જીતી છે. પરંતુ તેની કેપ્ટનશીપ હેઠળ ટીમ વર્લ્ડ ટેસ્ટ ચેમ્પિયનશિપ જીતી શકી ન હતી.
IPL 2025 માં કોહલીનું શાનદાર પ્રદર્શન
વિરાટ કોહલી IPL 2025 માં જોરદાર રન બનાવી રહ્યો છે. અત્યાર સુધીમાં 14 મેચમાં તેના બેટમાંથી 602 રન આવ્યા છે. જેમાં કોહલીએ 8 અડધી સદી ફટકારી છે. હાલમાં, કોહલીને ઓરેન્જ કેપ જીતવાનો પ્રબળ દાવેદાર પણ માનવામાં આવે છે. હાલમાં, કોહલી ઓરેન્જ કેપની રેસમાં પાંચમા ક્રમે છે. જો RCB ફાઈનલમાં પહોંચે છે તો કોહલી ઓરેન્જ કેપ પણ જીતી શકે છે. બીજી તરફ, જો RCB પહેલીવાર IPL ટાઈટલ જીતવામાં સફળ રહે છે, તો વિરાટ T20 ઈન્ટરનેશનલની જેમ તેમાંથી પણ નિવૃત્તિ લઈ શકે છે. પરંતુ ફેન્સ ક્યારેય નહીં ઈચ્છે કે કોહલી હવે નિવૃત્તિ લે.
