- ઈરાનના રાષ્ટ્રપતિ ઈબ્રાહિમ રઈસીના મોત પર ઈરાનમાં ઉજવણી
- સોશિયલ મીડિયામાં લોકો આતશબાજી કરી આનંદ વ્યક્ત કરી રહ્યા છે
- રવિવારે દુર્ગમ વિસ્તારમાં હેલિકોપ્ટર ક્રેશ થતા રઈસી સહિત આઠ લોકોનાં મોત થયા હતા
ઈરાનના રાષ્ટ્રપતિ ઈબ્રાહિમ રઈસીનું હેલિકોપ્ટર દુર્ઘટનામાં મોત પછી ઈરાન સહિત વિશ્વમાં તેના સમર્થકોમાં શોક છે. ત્યારે ઈરાનમાં જ તેઓના અવસાન બાદ ઉજવણીનો માહોલ છે. સોશિયલ મીડિયા પર પણ કેટલાક વીડિયો વાયરલ થઈ રહ્યા છે. જેમાં ખુલ્લા આકાશમાં આતશબાજી કરી આનંદ વ્યક્ત કરાઈ રહ્યો છે. કેટલાક તો સોશિયલ મીડિયા પર હેલિકોપ્ટર ક્રેશની ખુશી મનવાતા મિમ્સ પણ શેર્સ થઈ રહ્યા છે. વાયરલ વીડિયોમાં જોઈ શકાય છે કે ઈરાનમાં કેટલાક લોકો રાતથી જ ફટાકડા ફોડીને સેલિબ્રેશન કરી રહ્યા છે.
https://twitter.com/i/status/1792283114447782293
આની પર ઈરાની અમેરિકન વ્યકિતએ સોશિયલ મીડિયા X પર લખ્યું, મને લાગે છે કે ઈતિહાસમાં આ એકમાત્ર દુર્ઘટના છે, જેના વિશે બધાને ચિંતા છે કે કોઈ બચી ગયું કે કેમ… હેપી વર્લ્ડ હેલિકોપ્ટર ડે. મસીહે તેના અધિકારી પર આગળ લખ્યું ઈરાનના આકાશમાં ઉજવણીના ફટાકડાના વીડિયો ફૂટેજ સોશિયલ મીડિયામાં છલકાઈ ગયા છે.
હાલમાં વાયરલ થઈ રહેલા એક વીડિયોમાં, એક માણસને સ્પાર્કલર્સ લાઇટ કરતા સાંભળવામાં આવ્યો હતો કે, ચાલો ઇબ્રાહિમ રાયસીના હેલિકોપ્ટર ક્રેશના સારા સમાચારની ઉજવણી કરીએ. હેલિકોપ્ટર ક્રેશના સમાચાર પર ઘણા લોકો લંડનમાં ઈરાની એમ્બેસીની બહાર ડાન્સ કરતા જોવા મળ્યા હતા. પત્રકાર મસીહ અલીનેજાદે X પર લખ્યું, તમારા ચહેરા પર સ્મિત જોઈને હું ખૂબ જ ખુશ છું.
ઈરાનમાં ઉજવણીનું આ રહ્યું કારણ
એક વ્યકિતએ એક વીડિયો પણ શેર કર્યો છે. જેમાં એક મહિલા ડાન્સ કરતી જોવા મળી રહી છે. વીડિયો શેર કરતી વખતે દાવો કર્યો છે કે મહિલાના પુત્રને થોડા મહિના પહેલા ઈબ્રાહિમ રઈસીએ માર્યો હતો અને હવે તે રઈસીના મોત પર ડાન્સ કરી રહ્યો છે. તેણે આગળ લખ્યું કે મેં તમને કહ્યું હતું કે ઈરાનની મહિલાઓ ઘાયલ છે, પરંતુ તે જુલમીઓ સામે ક્યારેય ઝૂકશે નહીં. ઈબ્રાહિમ રઈસી માત્ર ઈરાનના રાષ્ટ્રપતિ જ નથી.
ઈબ્રાહિમ રઈસી વર્ષ-20221માં રાષ્ટ્રપતિ ચૂંટણી પછી સત્તામાં આવ્યા હતા. ત્યારથી જ તેમને ખૂબ કડક રૂઢિવાદી નીતિઓ લાગુ કરી હતી. રઈસીને ઈરાનમાં અભિવ્યકિતની આઝાદીને કચડવા, હિજાબ કાયદો લાગુ કરવા જવાબદાર મનાવાય છે.
ઈરાનના કુર્દિસ્તાનમાં વધુ ફટાકડા ફુટયા
સૌથી વધુ ઉજવણી ઈરાનના કુર્દિસ્તાન વિસ્તારમાં થઈ રહી છે. અહીં સાકેજ શહેરમાં લોકોએ આતશબાજી કરી હતી. સાકેજ ઈરાનમાં હિજાબની વિરુદ્ધ પ્રદર્શન કરનારી મહસા અમીનીનું હોમ ટાઉન છે. મહસા અમીનીએ ઈરાનમાં હિજાબ વિરુદ્ધ પ્રદર્શનોમાં ભાગ લીધો હતો. જેના લીધે તે ઈરાનની મોરલ પોલીસના ટાર્ગેટ પર આવી અને હિજાબ વગર બહાર નીકળતા તેની ધરપકડ કરી લેવાઈ હતી. બાદમાં તેને માર મારતા હોસ્પિટલમાં સારવાર દરમિયાન મોત થયું હતુંય વર્ષ-2020માં મહસા અમિનીના મોત પછી હિજાબ કાયદે જેવા કડક ઈસ્લામી કાયદાઓ લાગુ કરવાને લઈ ઈરાનના ધાર્મિક શાસન વિરુદ્ધ દેશવ્યાપી વિરોધ પ્રદર્શન શરૂ થયા હતા.
