- અમેરિકાની પૂર્વ ગવર્નર નિક્કી હેલી બે દિવસના ઈઝરાયલ પ્રવાસે છે
- નિક્કી હેલીએ ઈઝરાયલના બંધકોના પરિવારજનો સાથે પણ કરી મુલાકાત
- ડોનાલ્ડ ટ્રમ્પના નજીકના સહયોગીઓ પણ નેતન્યાહૂને મળ્યા
અમેરિકન રિપબ્લિકન નેતા અને સંયુક્ત રાષ્ટ્રમાં અમેરિકાના ભૂતપૂર્વ રાજદૂત નિક્કી હેલીએ તેમની બે દિવસીય મુલાકાત દરમિયાન ઈઝરાયેલને સમર્થન આપ્યું હતું. હેલીનું સમર્થન રફાહમાં તાજેતરના ઈઝરાયેલ હુમલા બાદ ઈઝરાયેલની વૈશ્વિક નિંદા વચ્ચે આવે છે જેમાં મોટી સંખ્યામાં પેલેસ્ટિનિયનો માર્યા ગયા હતા. આ પ્રવાસ દરમિયાન, હેલીએ કિબુત્ઝ બેરી અને કેફર અજા વિસ્તારમાં બંધકોના પરિવારો સાથે મુલાકાત કરી.
ઈઝરાયેલને નિક્કી હેલીનું સમર્થન મળ્યું હતું
નિક્કી હેલીને સમર્થન રફાહમાં તાજેતરના ઈઝરાયેલ હુમલા બાદ ઇઝરાયેલની વૈશ્વિક નિંદા વચ્ચે આવે છે જેમાં મોટી સંખ્યામાં પેલેસ્ટિનિયનો માર્યા ગયા હતા. દક્ષિણ કેરોલિનાના ભૂતપૂર્વ ગવર્નરે ઇઝરાયેલી ધારાસભ્ય ડાલી ડેનન સાથે લેબનોન સાથેની ઉત્તરીય સરહદ સુધી મુસાફરી કરી અને ઇઝરાયેલી સૈનિકોને પ્રોત્સાહિત કર્યા.
નિક્કી હેલીએ બંધકોના પરિવારજનો સાથે મુલાકાત કરી
એક સોશિયલ મીડિયામાં શેર ફોટામાં હેલી ઘૂંટણિયે બેસીને રોકેટ પર જાંબલી માર્કર સાથે લખતી જોવા મળે છે. ઈન્ટરનેટ મીડિયા પર ઈઝરાયેલને સમર્થન આપવા બદલ હેલીની પ્રશંસા કરતા પોસ્ટ પણ કરી હતી. હેલીએ પોતાના પ્રવાસ દરમિયાનકિબુત્ઝ બેરી અને કેફર અજા વિસ્તારમાં બંધકોના પરિવારો સાથે મુલાકાત કરી. હમાસે ગત 7 ઓક્ટોબરે આ બંને વિસ્તારોમાં હુમલો કરી સેંકડો લોકોની હત્યા કરી હતી. જ્યારે 200થી વધુ લોકોને બંધક બનાવ્યા હતા.
ડોનાલ્ડ ટ્રમ્પના નજીકના સહયોગીઓ પણ નેતન્યાહૂને મળ્યા
અગાઉ, ડોનાલ્ડ ટ્રમ્પના નજીકના સહયોગી અને વિદેશ નીતિ સલાહકાર રોબર્ટ ઓ’બ્રાયન, ભૂતપૂર્વ રાષ્ટ્રીય સુરક્ષા સલાહકાર જોન રાકોલ્ટા, યુએઈના ભૂતપૂર્વ રાજદૂત એડ મેકમુલેન તાજેતરમાં જ ઈઝરાયેલ પહોંચ્યા હતા અને વડાપ્રધાન બેન્જામિન નેતન્યાહૂ અને સંરક્ષણ પ્રધાન યોવ ગાલાન્ટને મળ્યા હતા.
