- જર્મનીના મ્યુનિક ખાતે યોજાયું મ્યુનિક સુરક્ષા સંમેલન
- જુદા જુદા દેશોના વિદેશ મંત્રીઓ વચ્ચે ચર્ચા
- આર્જેન્ટિનાના વિદેશ મંત્રી અને યૂનાની રક્ષામંત્રી સાથે મુલાકાત
અમેરિકન વિદેશ મંત્રી એન્ટની જે. બ્લિંકને મ્યુનિક સુરક્ષા સંમેલન ઉપરાંત જર્મનીના મ્યુનિક શહેરમાં વિદેશ મંત્રી ડૉ. એસ જયશંકર સાથે મુલાકાત કરી હતી. આ દરમિયાન બંનેએ લાલ સાગરમાં પડકારરૂપ સુરક્ષા સ્થિતિ અંગે ચર્ચા કરી હતી. સાથે જ એ વાત પર પણ પ્રકાશ પાડવામાં આવ્યો કે કેવી રીતે અમેરિકા અને ભારત અસ્થિર ક્ષેત્રમાં આર્થિક સ્થિરતાની રક્ષા કરવામાં મહત્વપૂર્ણ ભૂમિકા ભજવે છે.
બ્લિંકને એ વાત પર પ્રકાશ પાડ્યો કે લાલ સાગરમાં દરિયાઇ સુરક્ષા માટે સંબંધિત યુએસ અને ભારતીય અભિગમો પરસ્પર મજબુત છે અને આ ક્ષેત્રમાં આર્થિક સ્થિરતાને સુરક્ષિત કરવામાં મહત્વપૂર્ણ ભૂમિકા ભજવે છે. બંને મંત્રીઓએ મધ્ય પૂર્વમાં સ્થાયી શાંતિ અને સુરક્ષા સુનિશ્ચિત કરવા માટે ચાલી રહેલા કામ અંગે પણ ચર્ચા કરી હતી.
સુરક્ષા સુનિશ્ચિત કરવા માટે ચાલી રહ્યું છે કામ
બંને નેતાઓએ શુક્રવારે જર્મનીના મ્યુનિક સુરક્ષા સંમેલન સિવાય પણ મુલાકાત કરી. આ દરમિયાન એ વાત પર ભાર મૂકવામાં આવ્યો કે લાલ સાગર એક મુખ્ય કોમર્શિયલ કોરિડોર છે જે આંતરરાષ્ટ્રીય વેપારને સરળ બનાવે છે. બ્લિંકને આ ક્ષેત્રમાં નેવિગેશનની સ્વતંત્રતાના રક્ષણ માટે ભારત સાથે વધતા સહકારને પણ આવકાર્યો હતો. તેમણે કહ્યું કે તેઓએ મધ્ય પૂર્વમાં સ્થાયી શાંતિ અને સુરક્ષા સુનિશ્ચિત કરવા માટે ચાલી રહેલા કામ અંગે પણ ચર્ચા કરી.
અમેરિકન મિત્રને મળીને ખુશી થઈ: જયશંકર
જયશંકરે મુલાકાત બાદ નિવેદન આપતા કહ્યું હતું કે પોતાના અમેરિકન મિત્ર બ્લિંકનને મળીને ઘણું સારું લાગ્યું. અમારી વાતચીત પશ્ચિમી એશિયા, યુક્રેન અને હિન્દ પ્રશાંતની સ્થિતિ પર કેન્દ્રિત રહી. અમારા દ્વિપક્ષીય સંબંધોમાં ચાલી રહેલી પ્રગતિની સમીક્ષા કરવામાં આવી.
આર્જેન્ટિનાના વિદેશ મંત્રી સાથે પણ મુલાકાત
એસ. જયશંકરે તેમના આર્જેન્ટિનાના સમકક્ષ ડાયના મોન્ડિનો સાથે પણ બેઠક યોજી હતી. આ દરમિયાન બંને દેશો વચ્ચે આર્થિક અને રાજકીય સહયોગ પર ચર્ચા થઈ હતી. જયશંકરે ટ્વિટર પર એક ટ્વિટ કરતાં લખ્યું, આજે સાંજે આર્જેન્ટિનાના એફએમ ડાયમંડિનોને મળીને આનંદ થયો.
યૂનાની રાષ્ટ્રીય રક્ષામંત્રી સાથે પણ મુલાકાત
આ દરમિયાન એસ. જયશંકરે યૂનાની રાષ્ટ્રીય રક્ષા મંત્રી નિકોસ ડેંડિયાસ સાથે પણ મુલાકાત કરી. જણાવી દઈએ કે મ્યુનિક સુરક્ષા સંમેલન 16 થી 18 ફેબ્રુઆરી દરમિયાન પોતાના પારંપરિક સ્થળ મ્યુનિકની હોટલ બેયરિશર હઓફમાં એક વ્યક્તિગત કાર્યક્રમમાં શરૂ થયો. આ વર્ષે સંમેલન અમેરિકામાં જર્મન રાજદૂત ક્રિસ્ટોફર હ્યુસગેનની અધ્યક્ષતામાં આયોજિત કરવામાં આવી રહ્યું છે.
