જેતપુર ડાઈંગ એન્ડ પ્રિન્ટિંગ એસોસિએશનના પ્રમુખના સામાકાંઠા વિસ્તારમાં આવેલા કારખાનામાં અચાનક ભીષણ આગ ફાટી નીકળતા સમગ્ર વિસ્તારમાં અફરાતફરી મચી ગઈ હતી. શોર્ટ સર્કિટના કારણે લાગેલી આ આગમાં અંદાજે ₹1.50 કરોડ જેટલી મત્તાનું નુકસાન થયું હોવાનું પ્રાથમિક અનુમાન લગાવવામાં આવી રહ્યું છે.
મળતી વિગતો અનુસાર, જેતપુર ડાઈંગ એન્ડ પ્રિન્ટિંગ એસોસિએશનના પ્રમુખના સામાકાંઠા વિસ્તારમાં આવેલા ‘ક્રિષ્ના કોટન પ્રિન્ટ’ નામના કારખાનામાં કામકાજ ચાલુ હતું તે દરમિયાન અચાનક સેન્ટર ફિનિશિંગ મશીનમાં શોર્ટ સર્કિટ થવાથી આગ લાગી હોવાનું જાણવા મળ્યું હતું આગ એટલી ઝડપથી ફેલાઈ હતી કે કારખાનામાં રહેલી સાડીઓનો જથ્થો અને કાચો માલ બળીને ખાખ થઈ ગયો હતો.
આગ લાગતાની સાથે જ કારખાનામાં હાજર મજૂરો અને સ્ટાફે હિંમત બતાવી હતી. એકમોમાં રહેલા ફાયર સેફ્ટીના સાધનોનો ત્વરિત ઉપયોગ કરી મજૂરોએ આગ પર કાબૂ મેળવવાનો પ્રયાસ શરૂ કર્યો હતો. જો સમયસર આ કામગીરી ન થઈ હોત તો આખું યુનિટ સળગીને રાખ થઈ ગયું હોત. ત્યારબાદ જેતપુર નગરપાલિકાના ફાયર ફાઇટરો ઘટનાસ્થળે પહોંચી ગયા હતા અને પાણીનો મારો ચલાવી આગને સંપૂર્ણપણે ઓલવી નાખી હતી.
જે રાહતની વાત છે. આ દુર્ઘટનામાં કોઈ જાનહાનિ થઈ ના હતી, જોકે, કિંમતી મશીનરી અને તૈયાર સાડીઓનો મોટો જથ્થો બળી જવાથી અંદાજે દોઢ કરોડ રૂપિયાનું નુકસાન થયું પ્રાથમિક અનુમાન છે.
