બોટાદ જિલ્લાના ગઢડા APMC (એગ્રિકલ્ચર પ્રોડ્યુસ માર્કેટ કમિટી) ખાતે મગફળીની ખરીદી શરૂ થતાં જ ખેડૂતોનો ભારે ધસારો જોવા મળી રહ્યો છે. મગફળી વેચવા આવેલા ટ્રેક્ટર, ટેમ્પા, છકડો રિક્ષા, પીકઅપ અને ટ્રક સહિતના 200થી વધારે વાહનોની 1 કિલોમીટરથી પણ વધુ લાંબી લાઇન લાગી છે.
ગઢડા APMCમાં મગફળીની આવક
ગઢડા APMC થી ઢસા રોડ પર કનૈયા ચોક સુધી વાહનોની લાંબી કતાર જોવા મળી રહી છે, જે ખેડૂતોમાં મગફળી વેચવાની તાલાવેલી દર્શાવે છે. મહત્વનું છે કે, ગઢડા APMC ખાતે CCI (કોઇ કોમર્શિયલ એન્ટરપ્રાઇઝ) દ્વારા મગફળીની ખરીદી રૂ. 1452 પ્રતિ મણના ભાવે શરૂ કરવામાં આવી છે. આ સારા ભાવનો લાભ લેવા માટે ખેડૂતો ગઈ મોડી રાતથી જ પોતાના વાહનો લાઈનમાં મૂકીને ઊભા છે.
વાહનોની લાંબી કતાર જોવા મળી
ખેડૂતોને પોતાના ઉત્પાદનનો સારો ભાવ મળે તે માટે તેઓ કલાકો સુધી રાહ જોવા તૈયાર છે, જેના કારણે APMC વિસ્તારમાં ઉત્સાહનો માહોલ છે પરંતુ સાથે જ લાંબી કતારોના કારણે વ્યવસ્થાપનનો પ્રશ્ન પણ ઊભો થયો છે.
આ પણ વાંચો: ગાઢ ધુમ્મસની ચાદર, હિલ સ્ટેશન જેવો માહોલ, વિઝિબિલિટી ઘટી
