જામનગર, દેવભૂમિ દ્વારકા, સુરત સહિત રાજ્યના કોસ્ટલ વિસ્તારમાં સાગર સુરક્ષા કવચ કવાયત શરૂ : મરીન ટાસ્ક ફોર્સ દ્વારા હાઇ એલર્ટ જેવું જ પેટ્રોલીંગ : બોટ, મકાન, સહિત શંકાસ્પદ સ્થળોની ચકાસણી
અગ્ર ગુજરાત, જામનગર
રાજ્ય સરકારે ગુજરાતના દરિયાકાંઠે દેશ વિરોધી અને આતંકવાદી પ્રવૃત્તિઓ રોકવા તેમજ સુરક્ષા એજન્સીઓની સતર્કતા ચકાસવા માટે બે દિવસીય ‘સાગર સુરક્ષા કવચ’ કવાયત શરૂ કરી છે. આ કવાયતનો પ્રારંભ જામનગર અને દેવભૂમિ દ્વારકા જિલ્લા સહિત સમગ્ર રાજ્યમાં થયો છે.
આ કવાયતના ભાગરૂપે, જામનગર અને દેવભૂમિ દ્વારકા જિલ્લાની SOG શાખા, મરીન પોલીસ, કોસ્ટગાર્ડ અને અન્ય તમામ સુરક્ષા એજન્સીઓ દ્વારા હાલારના દરિયાકાંઠાના વિસ્તારોમાં સઘન પેટ્રોલિંગ હાથ ધરવામાં આવ્યું છે.
મરીન કમાન્ડો અને કોસ્ટગાર્ડની ટીમો દ્વારા દરિયાઈ વિસ્તારમાં પેટ્રોલિંગ કરવામાં આવી રહ્યું છે, જ્યારે અન્ય પોલીસ ટીમો દ્વારા દરિયાકાંઠાના વિસ્તારોમાં સઘન ચેકિંગની કાર્યવાહી ચાલી રહી છે. જામનગર શહેર, જિલ્લા અને દેવભૂમિ દ્વારકા જિલ્લાના અન્ય પોલીસ દળોની મોટી ટુકડીઓ પણ આ પેટ્રોલિંગમાં જોડાઈ છે.
