ધૂળેટી પર્વની રજાઓમાં યાત્રાધામો, પ્રવાસ પર્યટન સ્થળો પર લોકો ઉમટશે

હોટલોના બેફામ ભાડા : દિવ, સોમનાથ, દ્વારિકામાં રૂ.૨ થી રૂ.૧૫ હજાર સુધીના ભાડા થઇ ગયા

હોળીના પર્વ ઉપર ત્રણ દિવસની રજા આવતી હોવાના કારણે દ્વારકા, દીવ તથા સોમનાથ ખાતે લોકો રજા નો લાભ મળતો હોવાના કારણે ફરવા જવા માટેનુ આયોજન કરી રહ્યા છે ત્યારે સામાન્ય દિવસોમાં ભાડું રૂપિયા 1000 હોય છે તેમજ થ્રી સ્ટાર તથા ફોર સ્ટાર હોટલનુ ભાડું રૂપિયા 2500 આસપાસ હોય છે તેવી હોટલ તથા ગેસટાઉસના ભાડામાં ભારે વધારો થઇ રૂ.૫૦૦૦ થી લઇ રૂ.૧૫૦૦૦ સુધી થઇ ગયા છે.

દ્વારકા ખાતે દર વર્ષે હોળીના તહેવાર ઉપર પદયાત્રીઓ હજારોની સંખ્યામાં પગપાળા દર્શન કરવા જતા હોય છે ત્યારે આ વખતે સરકારી કચેરીઓમાં સતત ત્રણ દિવસ સુધી રજા આવતી હોવાના કારણે લોકો ફરવા જવા માટેનું આયોજન કરી રહ્યા છે જેમાં આ વખતે સામાન્ય દિવસોમાં જે ભાડું હોય છે તેની સામે ગેસટાઉસનુ  તથા થી સ્ટાર ને ફોર સ્ટાર હોટેલનુભાડું રૂપિયા 2000 થી 10000 જેવું ચાલી રહ્યું છે અને જેમ જેમ હોળીનો તહેવાર નજીક આવશે તેમ તેમ ભાડામાં વધારો થશે.

આ ઉપરાંત અરબી સમુદ્રના કાંઠે બિરાજમાન પ્રથમ જ્યોતિર્લિંગ સોમનાથ દાદાના દર્શન કરવા માટે હજારોની સંખ્યામાં ભાવિકો જતા હોય છે આ વખતે એટલે કે અત્યારે સોમનાથ અને વેરાવળ માં પણ હોટલ ગેસટાઉસના ભાડા વધી ગયા છે.જયારે ફરવાના શોખીન લોકો ખાસ કરીને દિવ બાજુ વધારે પ્રમાણમાં જાય છે જેમાં અત્યારથી દીવની તમામ હોટલો ફુલ થઈ ગઈ છે અને સામાન્ય દિવસોમાં એક દિવસનુ જે ભાડું હોય છે તેની સામે રૂપિયા 10000 થી 15000 જેવું ભાડું ચાલે છે અને હજુ બે દિવસ પછી આ ભાડામાં પણ વધારો થશે.દિવના હોટલના માલિકના જણાવ્યા પ્રમાણે એક રૂમમાં બે વ્યક્તિનુ ભાડું રૂપિયા 6000 લેવામાં આવે છે અને ત્રીજી વ્યક્તિ સાથે હોય તો તેનો અલગથી ચાર્જ લેવામાં આવે છે.

દિવ,  દ્વારકામાં સામાન્ય દિવસોમાં હોટલના ભાડા

દિવમાં 100 થી વધુ હોટલ અને ગેસ્ટહાઉસ આવેલા છે જેમાં સામાન્ય દિવસોમાં એક રૂમનું ભાડું રૂપિયા 1500 થી 2000 જેટલું ચાલતું હોય છે જેની સામે અત્યારે હોળીના તહેવાર ઉપર એક રૂમનું ભાડું રૂપિયા 6000 થી 10000 હજાર જેવુ ચાલી રહ્યું છે અને હજુ પણ ભાડા વધશે તેવું હોટલના સંચાલકોનું કહેવું છે. આ ઉપરાંત દ્વારકામાં પણ સામાન્ય દિવસોમાં હોટર ગેસટાઉસના ભાડા રૂપિયા 1000 થી 1500 જેટલા ચાલતા હોય છે જેની સામે અત્યારે 4 થી 5 હજાર જેટલા ભાડા ચાલી રહ્યા છે.