- પીએમ મોદી નહીં થાય સામેલ
- અસ્તાનામાં 3-4 જુલાઈની વચ્ચે યોજાશે સમિટ
- સંસદ સત્રના કારણે પીએમ મોદી નહીં લઈ શકે ભાગ
સંસદ સત્રના કારણે કઝાકિસ્તાનમાં થનારા શાંઘાઈ સહયોગ સંગઠન શિખર સંમેલનમાં પીએમ મોદીના ભાગ લેવાની શક્યતાઓ ઓછી છે. કઝાકિસ્તાનના અસ્તાનામાં 3-4 જુલાઈની વચ્ચે એસસીઓ સમિટ થવાની છે. મળતી માહિતિ અનુસાર સંસદ સત્રના કારણે એસસીઓ શિખર સંમેલનમાં પીએમ મોદીના સામેલ થવાની શક્યતાઓ નકારી દેવામાં આવી છે.
વિદેશમંત્રી કરશે પ્રતિનિધિત્વ
કઝાકિસ્તાનમાં થનારી એસસીઓ શિખર સંમેલનમાં પીએમ મોદી ભાગ લેશે નહીં. વિદેશમંત્રી પ્રતિનિધિત્વ કરશે. પીએમ મોદી આ પહેલા નિયમિત રીતે યૂરેશિયન બ્લોકની શિખર બેઠકોમાં ભાગ લઈ રહ્યા છે. આ વખતે સંસદ સત્ર 3-4 જુલાઈ સુધી ચાલશે. એવામાં માનવામાં આવી રહ્યું છે કે પીએમ મોદીએ શિખર સંમેલનમાં સામેલ ન થવાનો નિર્ણય લીધો છે.
જિનપિંગ-શાહબાઝ શરીફ મળી શક્યા હોત
અગાઉ એવી અપેક્ષા રાખવામાં આવી હતી કે SCO સમિટ દરમિયાન રશિયન રાષ્ટ્રપતિ વ્લાદિમીર પુતિન સાથે સંભવિત દ્વિપક્ષીય વાતચીત થાય. આ સિવાય, પ્રથમ વખત સમિટમાં ચીનના રાષ્ટ્રપતિ શી જિનપિંગ અને પાકિસ્તાનના વડા પ્રધાન શાહબાઝ શરીફ પણ સામસામે આવી શકે છે. મીડિયા રિપોર્ટ્સ અનુસાર, SCO સમિટ દરમિયાન પાકિસ્તાનના વડાપ્રધાન નવાઝ શરીફ અને ચીનના રાષ્ટ્રપતિ શી જિનપિંગ વચ્ચે મુલાકાત થઈ શકે છે. બંને દેશો વચ્ચેના સંબંધોની સ્થિતિ જોતાં ભારતને કદાચ જિનપિંગ અને શરીફ વચ્ચે કોઈપણ પ્રકારની વાતચીત સામે કોઈ વાંધો નહીં હોય. જો કે, ભારતે અગાઉ કહ્યું હતું કે તે ક્ષેત્રની શાંતિ, સ્થિરતા અને આર્થિક વિકાસ માટે SCOને ખૂબ મહત્વ આપે છે.
ચીનના BRI પ્રોજેક્ટનો વિરોધ
2018માં વડાપ્રધાન મોદીએ સિક્યોરનું સંપૂર્ણ સ્વરૂપ આપ્યું હતું – સુરક્ષા, અર્થતંત્ર અને વેપાર, કનેક્ટિવિટી, એકતા, સાર્વભૌમત્વ માટે આદર અને પ્રાદેશિક અખંડિતતા અને પર્યાવરણ. SCOનો સભ્ય દેશ હોવા છતાં ભારત આ જૂથમાં અનોખું વલણ ધરાવે છે. ભારત એકમાત્ર સભ્ય દેશ છે જેણે ચીનના BRI પ્રોજેક્ટને સમર્થન નથી આપ્યું અને પાકિસ્તાન સાથે કોઈ દ્વિપક્ષીય સંબંધો નથી રાખ્યા. સદસ્ય દેશો ખાસ કરીને પાકિસ્તાન અને ચીનને યાદ અપાવવા માટે ભારતે વારંવાર SCO ફોરમનો ઉપયોગ કર્યો છે કે જૂથનો મુખ્ય ઉદ્દેશ્ય આતંકવાદ સામે લડવાનો હતો અને કનેક્ટિવિટી પહેલએ તમામ દેશોની સાર્વભૌમત્વ અને પ્રાદેશિક અખંડિતતાનું સન્માન કરવું જોઈએ. SCO સમિટનું આયોજન ભારત દ્વારા ગયા વર્ષે વર્ચ્યુઅલ મોડમાં કરવામાં આવ્યું હતું.
