PM Rishi Sunak: બ્રિટિશ PM ઋષિ સુનકના ઘરે ગેરકાયદે 4 શખ્સો ઘુસ્યા

બ્રિટનમાં એકબાજુ જનરલ ચૂંટણીની ચર્ચા છે તો બીજું બાજું વડાપ્રધાન ઋષિ સુનક સાથે જોડાયેલી ખબર સામે આવી છે. બ્રિટિશ વડાપ્રધાન ઋષિ સુનકે ઉત્તરી ઈંગ્લેન્ડમાં આવેલા નિવાસસ્થાને ગેરકાયદે રીતે મંગળવારે ચાર શખ્સોની ધરપકડ કરી લેવામાં આવી હતી. પોલીસે આ સમગ્ર મુદ્દે જાણકારી આપી હતી. ઉત્તરી યોર્ક શાયરના કિર્બી સિગસ્ટન ગામમાં રહેતા ઋષિ સુનકનું ઘરે જે તેમને વર્ષ-2015માં ખરીદ્યું હતું.

નોર્થ યોર્કશાયર પોલીસે જણાવ્યું કે તેમને મંગળવારે બપોરે આ અંગેની માહિતી મળી હતી. માહિતી મળતાં જ પોલીસની ટીમ ઘટનાસ્થળે પહોંચી હતી. પોલીસે તમામની ધરપકડ કરી છે. હાલ પોલીસ સમગ્ર મામલાની તપાસ કરી રહી છે.

આ દરમિયાન ‘યુથ ડિમાન્ડ’ નામના એક જૂથે એક વીડિયો શેર કર્યો જેમાં તેનો એક સભ્ય પીએમ સુનકના રહેણાંક સંકુલમાં એક તળાવ પાસે જોવા મળી રહ્યો છે. આ ઘટના બ્રિટિશ સામાન્ય ચૂંટણીના એક અઠવાડિયા પહેલા બની છે.

યુથ ડિમાન્ડ ગૃપ વિશે પ્રાપ્ત માહિતી અનુસાર, આ સંગઠન ઈઝરાયલને બ્રિટનના સમર્થનનો વિરોધ કરે છે. ગૃપ સરકાર પાસે વર્ષ-2021માં આપવામાં આવેલા ઓઈલ અને ગૅસ લાઇસન્સ રદ કરવાની પણ માંગ કરી રહ્યું છે.

તમને જણાવી દઈએ કે પીએમ સુનકે આ વર્ષની શરૂઆતમાં પણ આ જૂથની નિંદા કરી હતી. તે સમયે આ જૂથ સાથે જોડાયેલા લોકોએ મજૂર નેતા કીર સ્ટારમરના ઘરે બેનર લટકાવ્યું હતું. જેમાં લખેલું હતું ‘હત્યા બંધ કરો.’ તેને ઈઝરાયલ અને હમાસ વચ્ચેના યુદ્ધ સાથે જોડવામાં આવી રહ્યું હતું.