AIIMSમાં ડૉ. બી.આર.આંબેડકર ઇન્સ્ટિટ્યૂટ રોટરી કેન્સર હોસ્પિટલના ભૂતપૂર્વ HOD અને ઓન્કોલોજિસ્ટે ડૉ. જી.કે. રથે રશિયા દ્વારા બનાવવામાં આવેલી કેન્સર રસી વિશે ખુલાસો કર્યો છે. તેમનું કહેવું છે કે આવા દાવા 20 વર્ષથી કરવામાં આવી રહ્યા છે. જોકે, કેન્સરનો 100 ટકા ઈલાજ મેળવવો હજુ મુશ્કેલ છે.
કેન્સર વેક્સીન વિશે શું છે સત્ય ?
રશિયન વૈજ્ઞાનિકોએ કોવિડ રસીની જેમ જ પ્રથમ mRNA આધારિત કેન્સર રસી Enteromix તૈયાર કરી છે. જેનું ક્લિનિકલ કે માનવ પરીક્ષણ હજુ બાકી છે. આ રસી વિવિધ દર્દીઓ અનુસાર કસ્ટમાઇઝ કરી શકાય છે. વૈજ્ઞાનિકો દર્દીની જરૂરિયાત મુજબ દર્દીઓના કેન્સરના નમૂના લઈને તેને તૈયાર કરી શકશે અને પછી આ રસી કેન્સરના જ્ઞાનતંતુઓનો નાશ કરશે. રશિયાના આ દાવા પર ભારતની ટોચની કેન્સર સંસ્થા, ડૉ. BRAIRCH, AIIMSના ભૂતપૂર્વ ચીફ અને HOD રેડિયેશન ઓન્કોલોજી ડૉ. GK રથે પોતાના મંતવ્યો વ્યકત કર્યા હતા. ડૉ. રથે કહ્યું કે, આ પહેલી વાર નથી જ્યારે વિશ્વમાં કે રશિયામાં ક્યાંય પણ કેન્સરની રસી બનાવવામાં આવી હોય અને તે પ્રારંભિક ટ્રાયલમાં સફળ રહી હોય. કેન્સરની રસી અંગે 20 વર્ષથી સંશોધન ચાલી રહ્યું છે.
‘વિવિધ આબોહવામાં અસર અલગ-અલગ’
આ ટ્રાયલનો પ્રારંભિક તબક્કો છે અને તેનું પરીક્ષણ ફક્ત 48 સ્વયંસેવકો પર કરવામાં આવ્યું છે. જ્યારે કોઈપણ રસી બનાવવામાં આવે છે. ત્યારે તેના ઘણા તબક્કા હોય છે. કોઈપણ રસી ત્યારે જ સફળ માનવામાં આવે છે જ્યારે તે મનુષ્યો પર ટ્રાયલ પછી 100 ટકા પરિણામો આપે છે. એટલું જ નહીં, આ રસીનો ઉપયોગ વિશ્વના વિવિધ આબોહવા ધરાવતા દેશોના વિવિધ જનીનો અને રોગપ્રતિકારક શક્તિ ધરાવતા લોકો પર પણ થાય છે જેથી તે ખરેખર અસરકારક છે કે નહીં તે જોવા મળે.
‘તમામ શારીરિક બનાવટ અલગ છે’
ભારતમાં વર્ષ 2024માં લગભગ 16 લાખ લોકોને કેન્સર થયું અને 8.74 લાખથી વધુ લોકોના મૃત્યુ થયા હતા. જ્યારે આમાંથી લગભગ 8 લાખ લોકોમાં કેન્સર અટકાવી શકાયું હોત. જો લોકો તમાકુ ન ખાય, નિષ્ક્રિય ધૂમ્રપાન ન કરે, પ્રદૂષણ ટાળે, તો ઘણા દર્દીઓને કેન્સર નહીં થાય. તે જ સમયે, બાકીના કેન્સરના દર્દીઓ સારવારથી સાજા થઈ શકે છે. હાલમાં આ રસીનું ટ્રાયલ આખી દુનિયામાં કરવું જરૂરી છે. હાલમાં તે ફક્ત રશિયામાં જ કરવામાં આવ્યું છે અને તે પણ ક્લિનિકલ કે હ્યુમન ટ્રાયલ કરવામાં આવ્યું નથી. ભારતના લોકોના જનીનો અને આનુવંશિક પદ્ધતિ રશિયા કે અમેરિકાના લોકો કરતા અલગ છે. જ્યારે આ રસીનું ટ્રાયલ વિવિધ પ્રકારની વસ્તી પર, ભારતમાં પણ કરવામાં આવશે અને પછી તેનું પરિણામ 100 ટકા સફળ થશે, ત્યારે કહી શકાય કે કેન્સરની રસી અસરકારક છે.
Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. સંદેશ ન્યૂઝ આ મામલે પુષ્ટી કરતું નથી. કોઈપણ સૂચનનો અમલ કરતા પહેલા તમારે સંબંધિત નિષ્ણાતની સલાહ લેવી જોઈએ.
