- CBIએ સંદેશખાલી કેસમાં કલકત્તા હાઈકોર્ટમાં તપાસનો રિપોર્ટ કર્યો સબમિટ
- રિપોર્ટમાં જમીનના રેકોર્ડ અંગે રાજ્ય તરફથી કેટલાક અસહકારનો આક્ષેપ
- કોર્ટે રાષ્ટ્રીય માનવાધિકાર આયોગને પણ આ કેસમાં સામેલ થવાની મંજૂરી આપી
સુપરત કર્યો હતો. રિપોર્ટ જોયા બાદ ન્યાયાધીશે કહ્યું, સીબીઆઈ તપાસ સાચી દિશામાં આગળ વધી રહી છે. અહેવાલમાં જમીનના રેકોર્ડ અંગે રાજ્ય તરફથી કેટલાક અસહકારનો આક્ષેપ કરવામાં આવ્યો છે. કોર્ટે રાજ્યને સહકાર આપવાનો નિર્દેશ આપ્યો હતો.
કોર્ટે એમ પણ કહ્યું કે, રાજ્યએ CCTVઅને LED લાઈટ્સ લગાવવા અંગે કોઈ માહિતી આપી નથી. આ કેસમાં તિરસ્કારના કિસ્સામાં, કોર્ટે રાજ્ય વિરુદ્ધ યોગ્ય પગલાં લેવાની ચેતવણી આપી હતી. મુખ્ય ન્યાયાધીશે કહ્યું કે, આ કેસમાં સુપ્રીમ કોર્ટનો કોઈ સ્ટે ઓર્ડર નથી, તેથી કલકત્તા હાઈકોર્ટના આદેશનું યોગ્ય રીતે પાલન કરવું જોઈએ. કોર્ટે રાષ્ટ્રીય માનવાધિકાર આયોગને પણ આ કેસમાં સામેલ થવાની મંજૂરી આપી હતી.
એડવોકેટ પ્રિયંકા ટિબ્રેવાલે કોર્ટમાં દાવો કર્યો હતો કે મહિલાઓને ધમકાવવામાં આવે છે જેથી રેપ કેસમાં CBIમાં FIR નોંધવામાં ન આવે. વકીલની આ ફરિયાદને જોઈને ચીફ જસ્ટિસની બેન્ચે કહ્યું કે, CBIએ લોકોના મનમાં વિશ્વાસ વધારવા માટે પગલાં લેવા જોઈએ. સીબીઆઈએ પણ સુરક્ષાનું ધ્યાન રાખવું જોઈએ. મહિલાઓનો ડર દૂર કરવા સીબીઆઈ જરૂર પડ્યે મહિલા અધિકારીઓની પણ નિમણૂક કરશે.
મુખ્ય ન્યાયાધીશની ડિવિઝન બેન્ચે રાજ્યને આદેશ આપ્યો હતો કે જો સીબીઆઈ રાજ્ય પાસેથી કોઈ દસ્તાવેજ માંગે તો એક સપ્તાહની અંદર દસ્તાવેજો સીબીઆઈને સોંપે. આ કેસની આગામી સુનાવણી 13 જૂને થશે. ચીફ જસ્ટિસે કહ્યું કે, રાજ્યએ સીસીટીવી અને એલઈડી લાઈટ્સ લગાવવામાં આવી છે કે નહીં તે અંગે કોઈ રિપોર્ટ આપ્યો નથી. ત્યારે એવું માની લેવું પડશે કે રાજ્યએ આ નિર્દેશનું પાલન કર્યું નથી અને જો રાજ્ય આમ ન કરે તો કલકત્તા હાઈકોર્ટ કોર્ટની અવમાનનાના આરોપમાં યોગ્ય પગલાં લઈ શકે છે. રાજ્યએ શક્ય તેટલી વહેલી તકે CCTV અને LED લાઇટ લગાવવાની વ્યવસ્થા કરવી જોઈએ.
