- સાઉદીએ IPLમાં પાંચ અબજ ડોલરના રોકાણની
- લીગના વિસ્તરણમાં મદદની દરખાસ્ત મૂકી છે
- BCCI લોકસભા ચૂંટણી બાદ દરખાસ્ત અંગે નિર્ણય લે તેવી શક્યતા
સાઉદી અરેબિયાએ ઇન્ટરનેશનલ ક્રિકેટની સર્વાધિક નફો કરતી ઇવેન્ટ એવી ઇન્ડિયન પ્રીમિયર લીગ (આઇપીએલ)માં અબજો ડોલરનો સ્ટેક ખરીદવા રસ દાખવ્યો છે. સૂત્રોના જણાવ્યાનુસાર આઇપીએલને 30 અબજ ડોલરનું મૂલ્ય ધરાવતી હોલ્ડિંગ કંપનીમાં રૂપાંતરિત કરવા સાઉદીના ક્રાઉન પ્રિન્સ મોહમ્મદ બિન સલમાનના સલાહકારોએ ભારત સરકારના અધિકારીઓને સૂચન કર્યું છે અને આમ થયા બાદ સાઉદી આઇપીએલમાં નોંધપાત્ર હિસ્સો ખરીદી શકે છે. મોહમ્મદ બિન સલમાન આ વર્ષે સપ્ટેમ્બરમાં ભારતના પ્રવાસે આવ્યા હતા ત્યારે આ સંબંધમાં વાટાઘાટો થઇ હોવાનું કહેવાય છે. તે સમયે થયેલી ચર્ચા અનુસાર સાઉદીએ આઇપીએલમાં પાંચ અબજ ડોલરનું રોકાણ કરવાની અને ઇંગ્લિશ પ્રીમિયર લીગ તથા યુરોપિયન ચેમ્પિયન્સ લીગની માફક અન્ય દેશોમાં આઇપીએલનું વિસ્તરણ કરવામાં મદદરૂપ થવાની દરખાસ્ત મૂકી હતી. સાઉદી આ ડીલ કરવા આતુર છે જ્યારે ભારત સરકાર અને ભારતીય ક્રિકેટ કંટ્રોલ બોર્ડ (BCCI) આવતા વર્ષે યોજાનારી લોકસભા ચૂંટણી બાદ દરખાસ્ત અંગે નિર્ણય લે તેવી શક્યતા છે. જો આ ડીલ થઇ તો સાઉદી ઘરઆંગણાની અગાઉની સ્પોટ્ર્સ ઇવેન્ટ્સની માફક ભંડોળ માટે સોવરિન વેલ્થ ફંડનો ઉપયોગ કરી શકે છે. હજુ સુધી કોઈ અંતિમ નિર્ણય લેવાયો નથી.
આઇપીએલમાં અરામ્કો અને સાઉદી ટૂરિઝમ ઓથોરિટી સહિતના પ્રાયોજકોની ભરમાર છે અને આઇપીએલની દરેક સીઝન માત્ર બે મહિના ચાલતી હોવા છતાં ગયા વર્ષે બિડર્સે આઇપીએલના 2027 સુધીના પ્રસારણના રાઇટ્સ માટે 6.2 અબજ ડોલર મતલબ કે
આઇપીએલની એક મેચના પ્રસારણદીઠ 1.51 કરોડ ડોલર ચૂકવ્યા હતા. સૂત્રોના જણાવ્યાનુસાર આઇપીએલમાં સાઉદી રોકાણ કરશે કે લીગના ફોરમેટમાં ફેરફાર કરાશે તો મીડિયા રાઇટ્સ માટેના એગ્રીમેન્ટ્સ પણ નવેસરથી કરવા પડશે.
સાઉદી ગ્લોબલ ક્રિકેટિંગ ડેસ્ટિનેશન બનવા ઉત્સુક
છેલ્લાં કેટલાંક વર્ષોમાં સાઉદીએ સ્પોટ્ર્સ પાછળ અબજો ડોલરનો ખર્ચ કર્યો છે અને સાઉદીની સ્પોટ્ર્સ ગવર્િંનગ બોડીના ચેરમેનનું કહેવું છે કે તેઓ સાઉદીને ગ્લોબલ ક્રિકેટિંગ ડેસ્ટિનેશન બનાવવા માંગે છે. ઇંગ્લેન્ડના ક્રિકેટર બેન સ્ટોક્સે આ વર્ષે એક ઇન્ટરવ્યૂમાં કહ્યું હતું કે, ‘તમે પૈસા સાથે સ્પર્ધા કરી શકતા નથી, ખાસ કરીને સાઉદી અરેબિયા અમુક ખેલાડીઓ પાછળ જે હદે પૈસા ખર્ચી રહ્યું છે તેની વાત છે.’ દરમિયાન, અન્ય દેશોમાં આઇપીએલ ફેર્મ્યુલાની નકલ કરવાના પ્રયાસો પણ જારી છે. માઇક્રોસોફ્ટના સત્યા નડેલા અને એડોબના શાંતનુ નારાયણનું ફંડિંગ ધરાવતી મેજર લીગ ક્રિકેટની આ વર્ષે જુલાઈમાં પહેલી સીઝન યોજાઇ હતી. દક્ષિણ આફ્રિકા, યુએઇ તથા અન્ય દેશોમાં પણ ક્રિકેટ લીગ રમાય છે પણ આમાંની એકેય લીગ આઇપીએલનું કોમર્શિયલ પ્રભુત્વ તોડી શકી નથી.
