IPના અધિકારીઓ 16 ડિસેમ્બરે અબુ ધાબીના એતિહાદ એરેના ખાતે ભેગા થશે. 2026 સીઝન માટે ખેલાડીઓની ઓક્શનનો પ્રારંભ થઈ રહ્યો છે. ગયા સીઝનના મેગા ઓક્શન પછી, આ વખતે મીની ઓક્શન યોજાશે. બધા અઠવાડિયાથી આ દિવસની રાહ જોઈ રહ્યા હતા, અને આ વખતે શ્રેયસ ઐયર ઓક્શનને વધુ ખાસ બનાવવા જઈ રહ્યા છે.પંજાબ કિંગ્સના કેપ્ટન ઐયર આ વખતે ઓક્શનના ટેબલ પર જોવા મળી શકે છે.
ઓક્શનના ટેબલ પર જોવા મળશે
ક્રિકબઝના એક અહેવાલમાં ખુલાસો થયો છે કે ઈજાને કારણે હાલમાં ટીમ ઈન્ડિયાની બહાર રહેલા ઐયર આ વખતે ઓક્શન માટે અબુ ધાબીમાં હોઈ શકે છે. ઐયરે પહેલાં ક્યારેય કોઈ ટીમના કેપ્ટન તરીકે ઓક્શનમાં ભાગ લીધો નથી. જોકે, આ વખતે તે શક્ય બની શકે છે કારણ કે, પ્રથમ, તે હાલમાં આંતરરાષ્ટ્રીય ક્રિકેટથી દૂર છે અને બીજું,પંજાબ કિંગ્સ તેમના કોચ વિના હરાજીમાં જઈ રહી છે.
પોન્ટિંગને ઓક્શનમાં જોવા નહીં મળે
ઓક્શનમાં ઐયરનો સમાવેશ થવાનું એક મુખ્ય કારણ પંજાબ કિંગ્સના કોચ રિકી પોન્ટિંગ છે, જે ભાગ લઈ શકશે નહીં. પોન્ટિંગ હાલમાં ઓસ્ટ્રેલિયા અને ઇંગ્લેન્ડ વચ્ચે ચાલી રહેલી એશિઝ શ્રેણી માટે કોમેન્ટ્રી પેનલનો ભાગ છે. તે સીરિઝના પ્રસારણકર્તા, 7 ક્રિકેટ સાથે સંકળાયેલા છે, અને તેથી આ ઓક્શનમાં ભાગ લેશે નહીં. જોકે,બીજી બાજુ એ છે કે હરાજીમાં પંજાબ પાસે ફક્ત ચાર ખેલાડીઓ ખરીદવા માટે છે, અને તેથી, પોન્ટિંગને આ ઓક્શનમાંથી મુક્તિ આપવામાં આવી છે.
છેલ્લા દોઢ મહિનાથી ક્રિકેટથી બહાર
ઐયર છેલ્લા દોઢ મહિનાથી ક્રિકેટથી બહાર છે. ઓસ્ટ્રેલિયા પ્રવાસ પર ODI સીરિઝ દરમિયાન કેચ લેતી વખતે તે ઘાયલ થયો હતો તેને પાંસળીમાં ઈજા થઈ હતી, જેના કારણે આંતરિક રક્તસ્ત્રાવ થયો હતો. ત્યાં તેની સર્જરી થઈ હતી અને ત્યારથી તે રિકવરી અને રિહેબિલિટેશનમાંથી પસાર થઈ રહ્યો છે. જાન્યુઆરી 2026 માં ન્યુઝીલેન્ડ સામેની ODI સીરિઝ માટે તે પાછો ફરે તેવી અપેક્ષા છે.આ પહેલી વાર નથી જ્યારે કોઈ કેપ્ટન ઓક્શન ટેબલનો ભાગ હશે.ભૂતકાળમાં એવા કેટલાક કિસ્સા બન્યા છે જ્યાં કોઈ કેપ્ટન અથવા મુખ્ય ખેલાડી ઓક્શનમાં ભાગ લીધો હોય. સૌથી તાજેતરનું ઉદાહરણ 2024 સીઝનની હરાજી દરમિયાન હતું, જ્યારે ઋષભ પંત, જે અકસ્માતને કારણે આખી સીઝન માટે બહાર હતો, તે તેની ભૂતપૂર્વ ટીમ, દિલ્હી કેપિટલ્સ સાથે ઓક્શનના ટેબલ પર દેખાયો.
આ પણ વાંચો -IPL 2026 Auction: આ ખેલાડીનો PoK સાથે છે સંબંધ, હવે BCCI એ તેને IPLમાં આપી એન્ટ્રી
