- કોન્ટ્રાકટરને આવનારા દિવસોમાં બ્લેક લિસ્ટ કરાશે
- હવે ડ્રાઈવરની સ્મિમેર હોસ્પિટલમાં ફિટનેસ સર્ટી લેવી પડશે
- ડ્રાઈવર અકસ્માત કરશે તો કોન્ટ્રાકટર સામે પણ પોલીસ ફરિયાદ
આખરે સુરત મનપા તંત્ર જાગ્યું છે. હાલમાં જ કતારગામમાં થયેલા BRTS બસ અકસ્માત બાદ તાત્કાલિક ધોરણે પાલિકા કમિશ્નર અને મેયર સહિત પદાધીકારીઓએ બેઠખ યોજવામાં આવી હતી. જેમાં સ્ટેન્ડિંગ ચેરમેન દ્વારા બેઠક બોલાવવામાં આવી હતી. જેમાં ડ્રાઈવર અને કન્ડકટરની લાયકાત નક્કી કરવાની સૂચના અપાઈ છે.
આ અંગે SMC ના દ્વારા નિર્ણય લેવામાં આવ્યો છેકે, હવે કોઈ પણ પ્રકારનો અકસ્માત થશે, તો માત્ર ડ્રાઈવર જ નહીં, પરંતુ એજન્સી સામે પણ ગુનો દાખલ થશે. આ ઉપરાંત વિજીલન્સની ટીમને બ્રેથ એનેલાઈઝર દ્વારા ડ્રાઈવર અને કન્ડકટરની તપાસ કરી રોજબરોજનો રીપોર્ટ બનાવી જવાબદાર અધિકારી મારફત રજુ કરવામાં આવશે. જો કોઈ નશાની હાલતમાં પકડાય તો પોલીસ ફરીયાદ કરાશે.
આ ઉપરાંત જો કર્મચારીઓને ઓછા પગાર અપાશે તો, જવાબદાર સામે કાર્યવાહી કરવામાં આવશે. આ સાથે સાવચેતીના અન્ય નિયમો પણ નક્કી કરાયા છે. જેમાં ડ્રાઈવર અને કન્ડકટરને 7 દિવસમાં મેડીકલ ફીટનેસના સર્ટીફીકેટ મેળવાનું રહેશે. તેમજ ફીટનેસના સર્ટીફીકેટ સ્મીમેર હોસ્પિટલના જવાબદાર નિયત ડોક્ટર પાસેથી મેળવી રજુ કરવાનું રહેશે.
બીજી તરફ સ્થાનિક પોલીસ સ્ટેશનમાંથી હાલનું કેરેકટર સર્ટિફિકેટ પણ 7 દિવસમાં રજુ કરવાનું રહેશે. બસમાં કઈ કઈ સુવિધા કે સુચના હોવી જોઈએ તેનું ચેકલીસ્ટ બનાવવું રહેશે અને જવાબદાર અધિકારીની સહીથી દર માસે ચકાસણી કરી, તેનો રીપોર્ટ આપવો પડશે.
ડ્રાઈવર અને કન્ડકટર માટેના નિયમો
- વીજીલન્સની ટીમને બ્રેથ એનેલાઈઝર ધ્વારા ડ્રાઈવર અને કન્ડકટરની તપાસ કરી રોજબરોજનો રીપોર્ટ બનાવી જવાબદાર અધિકારી મારફત રજુ કરવો. નશાની હાલતમાં પકડાય તો પોલિસ ફરીયાદ કરવી.
- કર્મચારીઓને ઓછા પગાર આપવા માટે જવાબદાર સામે કાર્યવાહી કરવી.
- ચોરી, ટીકીટ નહીં આપવી, મારપીટ કરવી જેવી બાબતો ધ્યાન પર આવતા ડ્રાઈવર, કન્ડકટર અને એજન્સી સામે પોલિસ કાર્યવાહી કરવી.
- ડ્રાઈવર/કન્ડકટરના દિન-૭ મેડીકલ ફીટનેસના સર્ટીફીકેટ યોગ્ય ચાર્જ વસુલી સ્મીમેર હોસ્પીટલના જવાબદાર નિયત ડોકટર પાસેથી મેળવી રજુ કરવું.
- સ્થાનિક પોલીસ સ્ટેશનમાંથી હાલનું કેરેકટર સર્ટીફીકેટર દિન-૭ માં રજુ કરવું.
- બસમાં કઈ કઈ સુવિધા/સુચના હોવી જોઈએ તેનું ચેકલીસ્ટ બનાવવું. જવાબદાર અધિકારીની સહીથી દર માસે ચકાસણી કરવી તેનો રીપોર્ટ કરવો.
- બસના ટેન્ડરની શરતોની ચકાસણી કરવી.
- જે બસમાં ડીઝીટલ બોર્ડ નથી ચાલતા. તે તાકીદે ચાલુ કરવા.
- વિજીલન્સની ટીમની તપાસમાં જો કોઈપણ ટીકીટ વગર મુલાકાતી મળે તો માત્ર કંડકટર જ નહી પરંતુ એજન્સી સામે પણ સુરત મહાનગરપાલિકાના નાણાંકીય ઉચાપત જેવી પોલિસ ફરીયાદ નોંધી પરમેન્ટલી ટર્મીનેટ કરવામાં આવશે.
- મીટીંગમાં લાગત એજન્સીઓના મુખ્ય જવાબદાર વ્યકિત હાજર ન રહેતા તેઓને શો કોઝ નોટીસ આપી ખુલાસો માંગવો તેમજ બ્લેક લીસ્ટની કાર્યવાહી કરવી.
- હવે ભવિષ્યમાં નાના-મોટા એકસિડન્ટ થશે તો ડ્રાઈવર સહિત એજન્સી પર ગુનો દાખલ થશે.
- ક્રોસીંગમાં સ્પીડ લીમીટ ૦ થવી જોઈએ. તેમજ સ્પીડ લિમીટ નકકી કર્યા મુજબ જ બસ ચાલે તે મુજબ મોનીટરીંગ કરવુ.
- બસ સ્ટોપ સિવાય કયાંય પેસેન્જરને ઉતારવા નહી.
- ભવિષ્યમાં કોઈપણ ઘટના બને તો કેસ ટુ કેસ સહાય કંપનીના બીલમાંથી ચુકવવામાં આવશે.
- એકસીડન્ટ કરનાર કોઈપણ ડ્રાઈવરના લાયસન્સ સસ્પેન્સન માટે મહાનગરપાલિકા તરફથી કાર્યવાહી કરવામાં આવશે.
- એક વર્ષમાં BRTS તથા સીટી લીંકમાં મોબાઈલ-પૈસા ચોરી તથા મારામારીના ગુનાઓની પોલિસ સ્ટેશનોમાંથી માહિતી મેળવી કાર્યવાહી કરવી.જેવા નિર્ણય લેવામાં આવ્યા છે.
