યુએન શાંતિ અને સ્થિરતા જાળવવા માટે તમામ શક્ય સહાય પૂરી પાડવા માટે તૈયાર છે.
થાઇલેન્ડ-કંબોડિયા સરહદ પર તણાવ
થાઇલેન્ડ અને કંબોડિયા વચ્ચે સરહદ પર તણાવ ચાલુ છે. હિંસક અથડામણો ફરી શરૂ થઈ છે, જેમાં આઠ લોકોના મોત થયા છે અને ડઝનેક લોકો ઘાયલ થયા છે. પરિસ્થિતિ વધુ વણસી રહી છે તે જોઈને, યુએન સેક્રેટરી-જનરલ એન્ટોનિયો ગુટેરેસે બંને દેશોને સંયમ રાખવા અને યુદ્ધવિરામ કરારનું પાલન કરવાની અપીલ કરી છે. તેમણે જણાવ્યું હતું કે યુએન શાંતિ અને સ્થિરતા જાળવવા માટે તમામ શક્ય સહાય પૂરી પાડવા માટે તૈયાર છે.
નાગરિકો અને સૈનિકો મોતને ભેટયા
કંબોડિયાના સંરક્ષણ મંત્રાલયે જણાવ્યું હતું કે, છેલ્લા બે દિવસમાં થાઇ સૈન્યના ગોળીબારમાં સાત કંબોડિયા નાગરિકો માર્યા ગયા છે અને 20 ઘાયલ થયા છે. થાઇ અખબાર બેંગકોક પોસ્ટે સેનાને ટાંકીને અહેવાલ આપ્યો છે કે એક થાઇ સૈનિકનું મોત થયું છે અને 18 અન્ય ઘાયલ થયા છે. વધતી લડાઈના જવાબમાં, યુએન સેક્રેટરી-જનરલએ પરિસ્થિતિને વધુ વણસતી અટકાવવા માટે બંને પક્ષોને સંયમ રાખવા વિનંતી કરી.
શુ હતો મામલો ?
થાઈ ફાઇટર જેટ્સે કંબોડિયાની અંદર લશ્કરી સ્થળો પર વળતો હુમલો કર્યો. થાઈ અધિકારીઓએ સરહદની નજીક રહેતા રહેવાસીઓને તેમના ઘરો ખાલી કરીને સુરક્ષિત સ્થળોએ જવાની સલાહ આપી છે. કંબોડિયાએ 30 વિદેશી રાજદ્વારીઓ અને યુએન પ્રતિનિધિઓ સહિત ત્રણ આંતરરાષ્ટ્રીય સંગઠનો સાથે કટોકટી બેઠક યોજી હતી. કંબોડિયાએ થાઈ હુમલાઓને કરારનું ઉલ્લંઘન ગણાવ્યું હતું. ભૂતપૂર્વ વડા પ્રધાન હુન સેને એક સંદેશમાં જણાવ્યું હતું કે કંબોડિયા શાંતિ ઇચ્છે છે, પરંતુ તેના પ્રદેશનું રક્ષણ કરવા માટે પ્રતિક્રિયા આપવાની ફરજ પાડવામાં આવે છે.
બંને દેશો વચ્ચે સંઘર્ષ કેમ ?
થાઈલેન્ડે ઓક્ટોબરમાં નવેમ્બરમાં કુઆલાલંપુરમાં થયેલા શાંતિ કરારને સ્થગિત કર્યા પછી બંને દેશો વચ્ચે યુદ્ધ શરૂ થયું. આ કરાર પર યુએસ રાષ્ટ્રપતિ ડોનાલ્ડ ટ્રમ્પની હાજરીમાં હસ્તાક્ષર કરવામાં આવ્યા હતા અને લેન્ડમાઈન વિસ્ફોટમાં બે સૈનિકો ઘાયલ થયા બાદ થાઈલેન્ડ દ્વારા તેને સ્થગિત કરવામાં આવ્યો હતો. થાઈલેન્ડ અને કંબોડિયા વચ્ચેનો વિવાદ દાયકાઓ જૂનો છે અને તે વસાહતી યુગના નકશાઓથી ઉદ્ભવે છે.
