- છેલ્લા એક મહિનાથી વધુ હમાસ અને ઇઝરાયેલ વચ્ચે યુદ્ધ
- ગાઝાના પીડિત બાળકોની સારવાર UAEમાં કરવામાં આવશે
- પહેલું વિમાન 15 લોકોને લઈને અબુધાબી પહોંચ્યું
ઇઝરાયલ-હમાસ યુદ્ધમાં ઘાયલ થયેલા બાળકો અને તેમના પરિવારજનોને લઇને પ્રથમ વિમાન સંયુક્ત અરબ અમીરાત પહોંચ્યું હતું. તમને જણાવી દઈએ કે UAEએ એક હજાર પેલેસ્ટિનિયન બાળકોની સારવાર માટે અભિયાન શરૂ કર્યું છે. આ અભિયાન હેઠળ 15 લોકોને લઈને પહેલું વિમાન UAE પહોંચ્યું છે. જેમાં નાના બાળકો અને તેમના પરિવારનો સમાવેશ થાય છે.
ઘાયલ અને બીમાર બાળકોને સારવાર આપવામાં આવશે
આ અભિયાન UAEના રાષ્ટ્રપતિ શેખ મોહમ્મદ બિન જાયદ અલ નાહયાનના નિર્દેશ પર શરૂ કરવામાં આવ્યું છે. આ અંતર્ગત ગાઝા પટ્ટીથી આવતા બાળકોની સારવાર UAEની હોસ્પિટલોમાં કરવામાં આવશે.
પ્રથમ પ્લેન અબુ ધાબી ઇન્ટરનેશનલ એરપોર્ટ પર લેન્ડ થયું
આ અભિયાન અંતર્ગત શનિવારે પહેલું વિમાન અબુ ધાબી ઈન્ટરનેશનલ એરપોર્ટ પર પહોંચ્યું હતું. આ વિમાન યુદ્ધ દરમિયાન ગંભીર રીતે ઘાયલ થયેલા બાળકોને અથવા કેન્સરના દર્દીઓને લઈ જઈ રહ્યું હતું.
UAEની હોસ્પિટલોમાં વિશેષ વ્યવસ્થા કરાઇ
વિદેશ સ્વાસ્થ્ય બાબતોના સહાયક મંત્રી મહા બરકાતે જણાવ્યું હતું કે તમામ ઘાયલોને તબીબી સારવાર આપવા માટે UAEની હોસ્પિટલોમાં વિશેષ વ્યવસ્થા કરવામાં આવી છે. આ બાળકોને આંતરરાષ્ટ્રીય ધોરણો અનુસાર વ્યાપક સંભાળ તેમજ વિશિષ્ટ સેવાઓ પૂરી પાડવામાં આવે છે, જેથી તેઓ સુરક્ષિત પરત આવે તે પહેલાં તેમની સંપૂર્ણ પુનઃપ્રાપ્તિ સુનિશ્ચિત કરી શકાય.
વિદેશી આરોગ્ય બાબતોના સહાયક મંત્રીએ સમજાવ્યું કે UAE ઇઝરાયેલ-હમાસ યુદ્ધ પછીથી ગાઝા પટ્ટીને તાત્કાલિક માનવતાવાદી સહાય અને પુરવઠો પૂરો પાડ્યો છે. આ સંદર્ભમાં, UAE ના પ્રમુખ શેખ મોહમ્મદ બિન ઝાયેદ અલ નાહ્યાને માનવતાવાદી સહાય પેકેજ ફાળવવા માટે સૂચનાઓ જારી કરી હતી.
