- વિરાટ કોહલીનો આક્રમક અંદાજ મહત્વપૂર્ણ
- ચેઝ કરવામાં કોહલીનો કોઈ જવાબ નથી
- ભારતીય ટીમની જીતનો હીરો શિવમ દુબે રહ્યો
અંગત કારણોસર અફઘાનિસ્તાન સામેની પ્રથમ T20 મેચ છોડી ગયેલો વિરાટ કોહલી હવે પરત ફર્યો છે. કોહલી આગામી મેચમાં રમવા માટે તૈયાર છે. તે મેચ માટે ટીમ સાથે જોડાઈ ગયો છે. વિરાટ કોહલીનો અંદાજ આક્રમક છે અને ચાહકોને તેની બેટિંગ પણ પસંદ છે. પૂર્વ ભારતીય ખેલાડી સુરેશ રૈનાએ T20 આંતરરાષ્ટ્રીય ક્રિકેટ માટે વિરાટ કોહલીને મહત્વની સલાહ આપી છે. સુરેશ રૈનાએ કહ્યું છે કે વિરાટ કોહલીએ ટી20માં પોતાનો આક્રમક અભિગમ ચાલુ રાખવો જોઈએ. તેમણે આક્રમતાને પોતાના મનમાં રાખવી જોઈએ.
વિરાટ કોહલીનો આક્રમક અંદાજ
સુરેશ રૈનાએ કહ્યું કે કોહલી હંમેશા આક્રમક અંદાજ ધરાવે છે. 20 ઓવર પૂરતી છે. લોકોને લાગે છે કે આ બહુ નાનું ફોર્મેટ છે. તમારે હજુ પણ સંપૂર્ણ 20 ઓવર રમવાની છે. રૈનાએ કહ્યું કે છેલ્લી 19 મેચોમાંથી 17માં ભારતે પીછો કરતા જીત મેળવી છે અને તેમાં કોહલી પણ હતો. જ્યારે તમે પીછો કરો છો, ત્યારે તમારા મગજમાં ગણિત ચાલે છે. આ કારણથી વિરાટ કોહલીને ચેઝ માસ્ટર કહેવામાં આવે છે. રૈનાના મતે ચેઝ કરવામાં કોહલીનો કોઈ જવાબ નથી.
અફઘાનિસ્તાનને 6 વિકેટે હરાવ્યું
પ્રથમ T20માં ટીમ ઈન્ડિયાએ અફઘાનિસ્તાનને 6 વિકેટે હરાવ્યું હતું. ભારતીય ટીમની જીતનો હીરો શિવમ દુબે રહ્યો હતો. દુબેએ અણનમ 60 રનની શાનદાર ઇનિંગ રમી હતી. તેના સિવાય જીતેશ શર્માએ પણ ઝડપી બેટિંગ કરી હતી. ટીમ ઈન્ડિયા આ શ્રેણીમાં આગળ છે અને બીજી મેચમાં તેમની પાસે શ્રેણી જીતવાની દરેક તક હશે. ભારત અને અફઘાનિસ્તાન વચ્ચે આગામી T20 મેચ રવિવારે ઈન્દોરમાં રમાશે.
કોહલી લાંબા સમય બાદ T20 ઈન્ટરનેશનલમાં વાપસી કરશે
તમને જણાવી દઈએ કે વિરાટ કોહલી લાંબા સમયથી ભારતીય T20 ટીમમાંથી બહાર છે. કોહલી છેલ્લે નવેમ્બર 2022માં ટી20 ઈન્ટરનેશનલ રમ્યો હતો, જે ઈંગ્લેન્ડ સામે ટી20 વર્લ્ડ કપની ફાઈનલ હતી. હવે આ દિવસોમાં કોહલી અફઘાનિસ્તાન સામે રમાઈ રહેલી ત્રણ મેચની ટી20 શ્રેણી દ્વારા ભારતીય ટી20 ટીમમાં પરત ફર્યો હતો, પરંતુ અંગત કારણોસર તે શ્રેણીની પ્રથમ મેચ રમી શક્યો ન હતો. હવે શ્રેણીની બીજી મેચ 14 જાન્યુઆરી, રવિવારે રમાશે, જેમાં કોહલીની વાપસી લગભગ નિશ્ચિત છે.
T20 ઇન્ટરનેશનલમાં સૌથી વધુ રન બનાવનાર ખેલાડી
નોંધનીય છે કે વિરાટ કોહલી T20 ઈન્ટરનેશનલમાં સૌથી વધુ રન બનાવનાર બેટ્સમેન છે. કોહલીએ અત્યાર સુધી 115 T20I મેચ રમી છે, 107 ઇનિંગ્સમાં બેટિંગ કરીને તેણે 52.73ની એવરેજ અને 137.96ની સ્ટ્રાઇક રેટથી 4008 રન બનાવ્યા છે. આ દરમિયાન તેણે 1 સદી અને 37 અડધી સદી ફટકારી છે.
