- મુક્ત, ન્યાયી અને પારદર્શિતા સાથે ચૂંટણી પ્રક્રિયા સંપન્ન થાય તે જરૂરી
- માર્ર્ગદર્શિકા મુજબની કાર્યવાહી સમયસર થાય તે જોવાની તાકીદ કરી હતી
- જિલ્લા ચૂંટણીતંત્રના સહયોગી તરીકે સોંપાયેલી કામગીરી પૂરી સતર્કતા સાથે
સાબરકાંઠા જિલ્લામાં યોજાનાર લોકસભા સામાન્ય ચૂંટણી 2024ની તૈયારી અંગે જિલ્લા ચૂંટણી અધિકારી અને કલેકટર તથા જિલ્લા વિકાસ અધિકારીની ઉપસ્થિતિમાં 5 સાબરકાંઠા સંસદીય મતવિસ્તારમાં ખર્ચ મોનિટરીંગ ટીમોની તાલીમ સોમવારે ટાઉન હોલ હિંમતનગર ખાતે યોજાઇ હતી. આ તાલીમમાં ચૂંટણી અધિકારી નૈમેષ દવેએ જણાવ્યું હતું કે, જિલ્લામાં મુક્ત, ન્યાયી અને પારદર્શિતા સાથે શાંતિપૂર્ણ માહોલમાં ચૂંટણી પ્રક્રિયા સંપન્ન થાય તે જરૂરી છે. આ માટે પરસ્પર તમામને એકબીજા સાથે સંકલન સાધીને જિલ્લા ચૂંટણીતંત્રના સહયોગી તરીકે સોંપાયેલી કામગીરી પૂરી સતર્કતા સાથે જવાબદારીપૂર્વક સુપેરે પાર પડે તે જોવાની ખાસ હિમાયત કરી હતી. આ ઉપરાંત ચૂંટણીપંચની માર્ર્ગદર્શિકા મુજબની કાર્યવાહી સમયસર થાય તે જોવાની તાકીદ કરી હતી.
જિલ્લા વિકાસ અધિકારી હર્ષદ વોરા દ્વારા નોડલ અધિકારીઓ દ્વારા હાથ ધરાનાર કામગીરી ચૂંટણીલક્ષી તાલીમ, ફ્લાઇંગ સ્કવોર્ડ ટીમ, વિડીયો સર્વેલન્સ ટીમ, વિડીયો વ્યુઇંગ ટીમ, સ્ટેટીક સર્વેલન્સ ટીમ, એકાઉન્ટીંગ ટીમ, એમસીસી, એમસીએમસી, મટીરીયલ મેનેજમેન્ટ, ઇવીએમ મેનેજમેન્ટ અંગે માર્ર્ગદર્શક સૂચનાઓ અપાઇ હતી. જિલ્લા ચૂંટણીતંત્ર દ્વારા ચૂંટણી પ્રક્રિયા સંદર્ભે વિવિધ ટીમોની રચના કરવામાં આવી છે. જેમાં 16 એસએસટી, 08 વીએસટી, 04 વીવીટી, 13 એફએસટી અને 04 એકાઉન્ટીંગ ટીમોનો સમાવેશ થાય છે.
