ફાકી, માવા તથા સોપારી ખાતા સજ્જનો માટે હમણાં જ ફરી વખત એક લાલબત્તી સમાન કેસ સામે આવ્યો.
૫૬ વર્ષના એક દર્દી, કે જેમને છેલ્લા ૯ મહિનાથી ખુબ જ ઉધરસ આવતી હતી. જે છેલ્લા કેટલાક મહિનાઓથી વધતી જ જતી હતી. સાથે સાથે છેલ્લા ૨ મહિના થી એમને રોજ ચડઉતર્યો તાવ આવતો હતો. તથા વજન પણ ઘટતું જતું હતું. અને ચાલવાથી શ્વાસ પણ ઘણો ચડી જતો હતો. ઘણા ડોક્ટર્સને બતાવ્યા પછી પણ એમની તકલીફમાં ફેર પડતો ન હતો. પછી ગામમાં એક md ફીઝીસિયનને બતાવતા એમણે છાતીનો x-ray તથા તેમાં કંઈક શંકા જેવું જણાતા, ફેફસાંનો સિટી સ્કેન પણ કરાવ્યો. જે મુજબ જમણી સાઇડનું નીચેનું ફેફસું સંકોચાય ગયું હોઈ, તથા ત્યાંની શ્વાસનળીમાં કોઈ જાતનો બ્લોક (કોઈ ગાંઠના લીધે/અથવા કોઈ બહારની વસ્તુ ના લીધે) હોવાનું જણાયું. જેથી ફેફસાં ની કોઈ જટિલ બીમારી લાગતા એમણે દર્દી ને મને રાજકોટ મારી હોસ્પિટલ માં રિફર કર્યા.
અહી સાત્વિક હોસ્પિટલ, રાજકોટ ખાતે મે દર્દી ને ચેક કરતા જમણી સાઇડ ના ફેફસાં માં કંઇક એબનોર્મલ હોવાનું જણાયું. જેથી તરત જ દર્દી ને ફેફસાંમાં દૂરબીન ઉતારી ને તપાસ (Bronchoscopy) ની જરૂર હોવાનું જણાવ્યું. દર્દી તથા સગા સહમત થતાં એકાદ કલાકમાં ઓપરેશન થિયેટર માં દૂરબીનની તપાસ ચાલુ કરવામાં આવી. જેમાં તપાસ કરતા એમની જમણી સાઇડની શ્વાસનળીઓમાં નીચેના ભાગમાં કંઇક foreign body(બહારની વસ્તુ) હોવાનું જણાયું. જે નીચેના શ્વાસનળીઓના સેગમન્ટને કમ્પલીટ બ્લોક કરતું હતું અને તેના લીધે ફેફસાંનો અમુક ભાગ સંકોચાય ગયો હતો. વિવિધ સાધનો વડે ઘણા પ્રયત્નો દ્વારા તેમાંથી એ વસ્તુને આખે આખી બહાર કાઢવામાં આવી. જે અંતે ધાર્યા પ્રમાણે જ હતો એક સોપારીનો કટકો જે દર્દીની શ્વાસનળીમાં નવ મહિનાઓથી પડ્યો હતો અને અંદર ડેમેજ કરતો હતો. જેથી શ્વાસનળીની આજુબાજુની ચામડીમાં ખૂબ જ સોજો આવી ગયો હતો. અને ઘણું ઇન્ફેક્શન થઈ ગયું હતું. ૩૦ મિનિટ જેવા ચાલેલા આ ઓપરેશન પછી ૨-૩ કલાકમાં દર્દીને ઘરે પણ મોકલી આપવામાં આવ્યા.
આ અમારા માટે surprising કેસ ન હતો. પણ છેલ્લા ૮-૯ વર્ષમાં આની પહેલા પણ લગભગ ૧૦ થી ૧૨ વખત મોટી ઉંમરના દર્દીમાં સોપારીના ઘણા કટકા અમે કાઢ્યા છે.
તો આશા રાખીશ કે , આ કિસ્સાને ચેતવણીરૂપ જાણીને મારા ઘણા મિત્રો, વડીલો પાન, ફાકી, માવાનો ત્યાગ કરશે..🙏
આ સાથે આ કેસનો વિડિયો અટેચ કરું છું.
– ડો. યજ્ઞેશ પુરોહિત,
– M.D (pulmonary medicine),
– Satvik Institute of TB and Chest Diseases, Rajkot.
