- વધુ એક મૌલવીની ઓડિયો કલીપ આવી સામે
- મૌલવીને છોડાવવાના પ્રયાસનો ઓડિયોમાં ઉલ્લેખ
- સુરત ક્રાઈમ બ્રાન્ચ દ્વારા મૌલવીની ક્લીપની તપાસ શરુ
સુરત ક્રાઈમ બ્રાન્ચ દ્વારા મૌલવીની ધરપકડ મામલે આજે સાંજે નવો વળાંક આવ્યો છે. સુરતમાં વધુ એક મૌલવીની ઓડિયો કલીપ સામે આવી છે. મળતી માહિતી મુજબ, સોશિયલ મીડિયામાં ઓડિયો કલીપ વાયરલ થઈ છે. ઓડિયોમાં મોલવી અને એક ત્રાહિત વ્યક્તિ વાતચીત કરી રહ્યા છે. ઓડિયો ક્લિપમાં મૌલવીને છોડાવવાના પ્રયાસનો ઉલ્લેખ કરવામાં આવી રહ્યો છે. તો ઓડિયો ક્લિપ સામે આવતા ક્રાઈમ બ્રાન્ચ દ્વારા આ મૌલવીની શોધખોળ માટે તપાસ તેજ કરી દીધી છે. ઓડિયો ક્લિપના આધારે સુરત ક્રાઈમ બ્રાન્ચ પોલીસ દ્વારા તપાસ શરૂ કરવામાં આવી છે.
હિંદુ નેતાને ધમકી આપનાર મૌલવીની ધરપકડ
સુરત શહેરમાં ઉપદેશ રાણા નામના હિંદુ નેતાને ધમકી આપવાના કેસમાં પોલીસને સફળતા મળી છે. હિંદુ નેતાને પાકિસ્તાન નંબરથી ધમકી આપનાર મૌલવીની ધરપકડ કરી આગળની કાર્યવાહી હાથ ધરવામાં આવી છે. ઉપદેશ રાણાને જાનથી મારી નાખવાની ધમકી આપવાના કોલ આવતા તેને ગોડાદરા પોલીસ સ્ટેશનમાં પોલીસ ફરિયાદ નોંધાવી હતી.
ઉપદેશ રાણાને સુરક્ષામાં અપાઈ
ધમકીને પગલે હિંદુ નેતા ઉપદેશ રાણાને એસ કેટેગરીની સુરક્ષામાં આવી છે. જો કે પોલીસે જે પાકિસ્તાન નંબરથી ધમકી ભર્યા કોલ આવતા તેની સઘન તપાસ કરી તપાસનો રેલો એક મૌલવી સુધી પહોંચતા પોલીસે ફરિયાદના આધારે આરોપી મોહંમદ સોહેલ ઉર્ફે મોલવી અબુબકર ટિમોલની ધરપકડ કરવામાં આવી છે. આ સિવાય એક જાણીતી વ્યકિતને પણ ધમકી આપતા કોલ આવતા હતા. પોલીસ તપાસમાં એ પણ સામે આવ્યું કે નૂપુર શર્માને પણ જાન થી મારી નાખવાની ધમકી આપવાનું કાવતરું ઘડેલું હતું.
હત્યા માટે એક કરોડમાં સોપારી
હિન્દુ નેતા ઉપદેશ રાણાની હત્યા માટે એક કરોડમાં સોપારી આપી હતી. ધરપકડ કરી હતી. હૈદરાબાદના હિન્દુવાદી નેતા રાજાસિંઘને પણ આપી હતી ધમકી. લોકસભાની ચૂંટણી અને પાકિસ્તાન નંબરથી ફોન આવવાને લઈ પોલીસે પણ આ કેસને ખૂબ ગંભીરતાથી લઈ તપાસનું પગેરું લંબાવ્યું હતું. આરોપી સોહેલ પાકિસ્તાનમાં ડોગર ના સંપર્કમાં હતી.આરોપી સોહેલ નેપાળના શેહનાઝ નામની મહિલાના સંપર્કમાં હતો જો કે પોલીસને પણ સફળતા મળી ગઈ હતી અને કેસને આધારે આગળની તપાસ હાથ ધરી છે.
