- ધ્રાંગધ્રાથી ફાયરની ટીમ બોલાવવામાં આવી
- હળવદની ફાયર ટીમ સ્થળ પર ગઈ તો સાધનો જ ન ચાલ્યાં..!
- ગ્રામજનો બેંક પર દોડી જઈ આગ પર કાબુ મેળવવાના પ્રયત્નો હાથ ધરવામાં આવ્યા હતા
હળવદ તાલુકાના મયુરનગર ગામે સોમવારે રાત્રિના નવેક વાગ્યાની આસપાસ ગામમાં આવેલ સૌરાષ્ટ્ર ગ્રામીણ બેંકની શાખામાં કોઈ અગમ્ય કારણોસર આગ લાગતા ભારે દોડધામ મચી જવા પામી હતી. બીજી તરફ્ આગ પર કાબુ મેળવવા ગ્રામજનો દ્વારા પ્રયત્નો હાથ ધરવામાં આવ્યા હતા. સાથે જ હળવદથી ફાયરની ટીમને બોલાવવામાં આવી હતી. પરંતુ ખરા સમયે જ જ ફાયરના સાધનો કામ ન આવતા ધાંગધ્રાથી ફાયરની ટીમને બોલાવવામાં આવી હોવાનું જાણવા મળી રહ્યું છે. હળવદના મયુરનગર ગામમાં આવેલ સૌરાષ્ટ્ર ગ્રામીણ બેંકમા સોમવારે રાત્રીના 9:00 વાગ્યાની આસપાસ અગમ્ય કારણોસર આગ લાગ લાગતા ધુમાડાના ગોટાઓ નીકળ્યા હતા.જેથી ગ્રામજનો બેંક પર દોડી જઈ આગ પર કાબુ મેળવવાના પ્રયત્નો હાથ ધરવામાં આવ્યા હતા જોકે તેમ છતાં પણ આગ પર કાબુ ન મળતાં હળવદ નગરપાલિકાની ફાયર બ્રિગેડની ટીમને જાણ કરવામાં આવી હતી પરંતુ ખરા સમયે જ ઘોડુ ન દોડે તેમ ફાયરની ટીમ આવી તો ખરી પરંતુ ફાયરના સાધનો જ કામ ન આવતા હાલ ધાંગધ્રાથી ફાયર બ્રિગેડની ટીમને બોલાવવામાં આવી હોવાનું જાણવા મળી રહ્યું છે. બીજી તરફ્ આગના કારણે બેંકમાં રહેલ મોટા ભાગનો સામાન બળીને રાખ થયો હોવાનું ગ્રામજનો પાસેથી જાણવા મળી રહ્યું છે.
