ઓસ્ટ્રેલિયા અને સાઉથ આફ્રિકા વચ્ચે વર્લ્ડ ટેસ્ટ ચેમ્પિયનશિપ 2025ની ફાઈનલ મેચ શરૂ થઈ ગઈ છે. આ ઐતિહાસિક મેચ ક્રિકેટના મક્કા તરીકે ઓળખાતા લોર્ડ્સના મેદાન પર રમાઈ રહી છે.
પહેલા જ દિવસે ઓસ્ટ્રેલિયાની શરૂઆત ખૂબ જ ખરાબ રહી હતી અને ઓપનર ઉસ્માન ખ્વાજાએ ફરી એકવાર ટીમને નિરાશ કરી દીધી. તેના નામે એક શરમજનક રેકોર્ડ નોંધાઈ ગયો. ઉસ્માન ખ્વાજાએ ઓસ્ટ્રેલિયા માટે નિરાશાજનક પ્રદર્શન કર્યું અને ટીમની આશાઓ પર પાણી ફેરવી દીધું.
આ મેચમાં ઉસ્માન ખ્વાજાના નામે એક એવો રેકોર્ડ નોંધાયો, જે અત્યાર સુધી WTC ફાઈનલના ઈતિહાસમાં કોઈએ બનાવ્યો નથી. તે WTC ફાઈનલમાં 20 બોલ રમ્યા બાદ પણ એક રન પણ ન બનાવ્યો અને શૂન્ય પર આઉટ થનારો પહેલો બેટ્સમેન બન્યો.
2023માં પણ ઉસ્માન ખ્વાજા રહ્યો હતો ફ્લોપ
આ પહેલીવાર નથી જ્યારે ઉસ્માન ખ્વાજા WTC ફાઈનલમાં ફ્લોપ સાબિત થયો હોય. વર્ષ 2023માં ભારત સામે રમાયેલી ફાઈનલમાં પણ તેને 10 બોલ રમ્યા હતા, પંરતુ તે ખાતું ખોલાવી શક્યો ન હતો. આ વખતે પણ તે રન બનાવવામાં નિષ્ફળ રહ્યો અને સાઉથ આફ્રિકાના ફાસ્ટ બોલર કાગિસો રબાાડાનો શિકાર બન્યો.
ટેસ્ટમાં શૂન્ય પર આઉટ થવાના ‘ખાસ’ લિસ્ટમાં સામેલ
આ પ્રદર્શન સાથે ઉસ્માન ખ્વાજાના નામ એક વધુ શરમજનક રેકોર્ડ નોંધાયો છે. તે ટેસ્ટ ક્રિકેટમાં ઓપનિંગ કરતાં સૌથી વધુ બોલ રમીને શૂન્ય પર આઉટ થનાર ઓસ્ટ્રેલિયન બેટ્સમેનના લિસ્ટમાં ત્રીજા નંબર પર આવી ગયો છે.
આ લિસ્ટમાં પહેલા નંબર પર ડેવિડ વોર્નર છે, જે વર્ષ 2022માં 22 બોલ રમીને કોઈપણ રન બનાવ્યા વગર આઉટ થયો હતો. બીજા નંબર પર શોન માર્શ છે, જેને 2017 માં 21 બોલ રમીને શૂન્ય પર આઉટ થયો. વર્ષ 1888માં સૈમી જોન્સે પણ 20 બોલ રમીને શૂન્ય પર આઉટ થયો. હવે ઉસ્માન ખ્વાજાએ તેના રેકોર્ડની બરાબરી કરી લીધી છે.
