આજે મેદસ્વીતા એક ગંભીર સમસ્યા બની છે. સામાન્ય રીતે મોટાભાગના લોકો વધતા વજનની સમસ્યાનો સામનો કરી રહ્યા છે. બદલાતી જીવનશૈલી અન ખાનપાનના કારણે છેલ્લા કેટલાક સમયમાં લોકોમાં સરેરાશ કરતાં વધારે વજન જોવા મળ્યું છે. છતાં એવા પણ કેટલાક લોકો છે જે દુબળા છે અને લાખ પ્રયાસો કરે છે છતાં તેમનું વજન વધતું નથી. પરંતુ જો તમે એક આ ઉપાય અજમાવશો તો તમારું વજન ફટાફટ વધવા લાગશે.
વજન વધારવા આ ડ્રાયફૂટ લાભકારક
આજે અનેક યુવાનો સલમાન ખાન અને જહોન અબ્રહામ જેવી બોડી બનાવવા જીમનો અને પ્રોટીન ડાયટનો સહારો લે છે. પરંતુ જો તેઓ ઘરના રસોડામાં રહેતા આ ડ્રાયફૂટનો ઉપાય કરશે તો વજન વધારવા જીમમાં જવાની પણ જરૂરત નહી રહે. આ ડ્રાયફૂટ છે ખારેક જેને સૂકી ખજૂર પણ કહેવાય છે. આજે તમને વજન વધારવા કેવી રીતે આ ડ્રાયફૂટનો ઉપયોગ કરવો અને તેનું સેવન કરવાથી આરોગ્ય માટે કેટલી રીતે લાભકારક છે તે જણાવીશું.
વજન વધારવા આ રીતે કરો ઉપયોગ
વજન વધારવા માટે ખારેક (Dry Dates / Chhuhara) એક પ્રાચીન અને અસરકારક ઉપાય છે. ખારેકમાં ઊંચી માત્રામાં કેલેરી રહેલી છે જે શરીર માટે ઊર્જા અને પોષણ આપે છે. દૂબળા પાતળા લોકો માટે ખારેક ડ્રાયફૂડ વરદાન છે. દૂબળા લોકો વજન વધારવા આહારમાં બદલાવ કરે તો ચોક્કસ લાભ થશે. ખાસ કરીને જ્યારે દૂધ સાથે ખારેકનું સેવન કરવામાં આવે તો ફટાફટ વજન વધશે.
વજન વધારવા અપનાવો આ પ્રયોગ. તમે સૌ પહેલા તમે પ 3–5 ખારેક લો અને રાતે તેને પાણીમાં પલાળી રાખો. આખી રાત ખારેક પાણીમાં પલાળી રાખ્યા બાદ સવારે 1 ગ્લાસથી થોડા વધુ દૂધમાં નાખી તેને ઉકાળો. તમે આ દૂધમાં કેસરના તાંતણા અને સ્વાદ માટે ઇલાયચી પણ નાખી શકો છો. 5 થી 7 મિનિટ દૂધ ઉકળે ત્યારપછી તે સાધારણ ઠંડું થાય એટલે તેમાં હેન્ડમિક્સી ફેરવી જયુસ બનાવો. હવે આ જ્યુસનું તમે નિયમિત નયણાંકોઠે સેવન કરશો તો થોડા જ દિવસમાં તમે વજનમાં બદલાવ જોશો.
ખારેક સેવનના લાભ
ખારેકમાં પોટેશિયમ અને મેગ્નેશિયમ જેવા મિનરલ્સ રહેલા છે, જે હૃદય રોગોથી આપણો બચાવ કરે છે. ખારેકમાં કેલ્શિયમ, ફોસ્ફરસ અને વિટામિન K ભરપૂર માત્રામાં રહેલું છે જે નબળાઈ દૂર કરે છે અને અને શરીરના હાડકાં અને માંસપેશીઓ મજબૂત બને છે. એટલે જ ખારેકને ખારેક પોષક તત્વોનો ખજાનો કહેવામાં આવે છે. વજન વધારવા માટે આ ડ્રાયફ્રૂટ ખૂબ જ લાભકારક છે.
Disclaimer: આ માહિતી માત્ર જાણકારી માટે છે, સંદેશ તેની પુષ્ટિ કરતું નથી. કોઈપણ ઉપચાર કરતાં પહેલા નિષ્ણાંતની સલાહ લેવી આવશ્યક છે.
