ઓસ્ટ્રેલિયન ટીમના કેપ્ટન પેટ કમિન્સે લોર્ડ્સના મેદાન પર રમાઈ રહેલી વર્લ્ડ ટેસ્ટ ચેમ્પિયનશિપ ફાઇનલ મેચના ચોથા દિવસની શરૂઆત સાથે આફ્રિકન કેપ્ટન ટેમ્બા બાવુમાની વિકેટ લેતાની સાથે જ પોતાના નામે એક ખાસ રેકોર્ડ નોંધાવી લીધો છે.
ઓસ્ટ્રેલિયન કેપ્ટને કરી કમાલ
વર્લ્ડ ટેસ્ટ ચેમ્પિયનશિપની ત્રીજી અને અંતિમ મેચ દક્ષિણ આફ્રિકા અને ઓસ્ટ્રેલિયા વચ્ચે લોર્ડ્સના મેદાન પર રોમાંચક મેચ રમાઈ હતી, જેમાં ત્રીજા દિવસની રમતના અંતે આફ્રિકન ટીમની પકડ ખૂબ જ મજબૂત બની ગઈ હતી. ચોથી ઇનિંગમાં 282 રનના લક્ષ્યનો પીછો કરતા, દક્ષિણ આફ્રિકાની ટીમે ત્રીજા દિવસની રમતના અંતે 2 વિકેટ ગુમાવીને 213 રન બનાવ્યા હતા, જેમાં તેમને જીતવા માટે ફક્ત 69 રન બનાવવાના હતા. ચોથા દિવસની રમત શરૂ થતાં જ, દક્ષિણ આફ્રિકાએ કેપ્ટન ટેમ્બા બાવુમાના રૂપમાં 217 રનના સ્કોર પર પોતાની ત્રીજી વિકેટ ગુમાવી દીધી. ઓસ્ટ્રેલિયન કેપ્ટન પેટ કમિન્સે તેમને પેવેલિયન મોકલ્યા હતા.
19 વર્ષ પછી અન્યો આ રેકોર્ડ
ટેમ્બા બાવુમાએ શાનદાર બેટિંગ કરીને 66 રનની મહત્વપૂર્ણ ઇનિંગ રમી. જેમાં તેમણે એડન માર્કરામ સાથે ત્રીજી વિકેટ માટે 147 રનની ભાગીદારી કરી અને એ પણ એવા સમયે જ્યારે ઓસ્ટ્રેલિયન ટીમ પાસે મેચમાં વાપસી કરવાની સુવર્ણ તક હતી. જ્યારે ચોથા દિવસની રમતમાં પેટ કમિન્સ દ્વારા બાવુમાને આઉટ કરવામાં આવ્યો, ત્યારે તે લોર્ડ્સના મેદાન પર ટેસ્ટ મેચની બંને ઇનિંગમાં વિરોધી ટીમના કેપ્ટનની વિકેટ લેનાર 5મો કેપ્ટન બન્યો. કમિન્સ પહેલા, એન્ડ્રુ ફ્લિન્ટોફે છેલ્લે લોર્ડ્સમાં આવી કમાલ કરી હતી. જ્યારે તેણે 2006 માં શ્રીલંકા સામે રમાયેલી ટેસ્ટ મેચમાં જયવર્ધનેની વિકેટ લીધી હતી.
મહેમાન ટીમ તરીકે લોર્ડ્સમાં ચોથી ઇનિંગમાં ત્રીજી સૌથી મોટી ભાગીદારી
લોર્ડ્સના મેદાન પર રમાઈ રહેલી આ અંતિમ મેચની ચોથી ઇનિંગમાં એડેન માર્કરામ અને ટેમ્બા બાવુમાએ ત્રીજી વિકેટ માટે 147 રનની ભાગીદારી થઈ હતી, જે આ મેદાન પર કોઈ પણ ટીમ માટે અત્યાર સુધીની સૌથી મોટી ભાગીદારી સાબિત થઈ છે. ટેમ્બા બાવુમાએ પોતાની ટીમ માટે શાનદાર પ્રદર્શન કરીને ચાહકોના દિલ જીતવામાં અને મેચ જીતવામાં એમ બંને રીતે સફળતા હાંસલ કરી છે.
