ઇસ્લામાબાદથી શરૂ કરવામાં આવેલી HPV વેક્સીન અભિયાન બલૂચિસ્તાનમાં પૂર્ણ થશે. HPV વેક્સીન દ્વારા સરકાર પ્રયત્ન કરી રહી છે કે ગર્ભાશય ગ્રીવા કેન્સરને જડમૂળમાંથી ખત્મ કરવામાં આવે.
HPV વેક્સીન અભિયાન
પાકિસ્તાનની સરકારે 1 કરોડ સગીરાઓને HPV વેક્સીન લગાવવા માટે અભિયાન હાથ ધર્યુ છે. સ્વાસ્થ્ય મંત્રાલય પ્રમાણે પ્રથમ ચરણમાં આ HPV વેક્સીન ઇસ્લામાબાદ, પંજાબ, પીઓકે, સિંધમાં અપાશે. તો બીજો તબક્કો બલૂચિસ્તાન અને ખૈબરમાં હાથ ધરાશે. આ અભિયાન અંતર્ગત પાકિસ્તાનમાં હલચલ તેજ થઇ ગઇ છે. આ વેક્સીન મામલે ઘણા પ્રશ્નો ઉદ્દભવી રહ્યા છે. કારણ કે પાડોશી દેશમાં પોલિયોથી લઇને કોરોના સુધીની વેક્સીન મામલે હોબાળો મચ્યો હતો.
HPV વેક્સીન શું છે ?
આ વેક્સીનનું પૂર્ણ નામ હ્યૂમન પેપિલોમા વાયરસ છે. આ ગર્ભાશયના સર્વાઇકલ કેન્સરને ખત્મ કરે છે. લગ્ન કરેલા લોકોમાં ગર્ભાશયના સર્વાઇકલ કેન્સરનો ખતરો વધુ હોય છે. જનતામાં જાગૃત્તા અને સાવધાની આવે તે માટે સરકારે HPV વેક્સીન અભિયાન હાથ ધર્યુ છે. ઇસ્લામાબાદના જિલ્લા સ્વાસ્થ્ય અધિકારીએ કહ્યુ હતુ કે, પાકિસ્તાનમાં અનુમાનત પાંચ હજાર મહિલાઓમાં દર વર્ષે ગર્ભાશય-ગ્રીવા કેન્સરથી પીડિત છે. 3 હજાર મહિલાઓ દર વર્ષે આ બીમારીનાન કારણે મોતને ભેટે છે. પાકિસ્તાનની સરકાર આ બિમારીને જડમૂળમાંથી ખત્મ કરવા ઇચ્છે છે.
શું કહ્યુ પાકિસ્તાનની સરકારે ?
HPVથી સંક્રમિત 70 ટકા રોગી મહિલા ગર્ભશાય ગ્રીવા કેન્સરની ચપેટમાં આવે છે. આ માત્ર મહિલાઓમાં જ જોવા મળે છે. પાકિસ્તાન સરકારે જણાવ્યુ છે કે, વેક્સીન મામલે વર્લ્ડ હેલ્થ ઓર્ગેનાઇઝેશનના તમામ નિયમોનું પાલન કરવામાં આવી રહ્યુ છે. વર્લ્ડ હેલ્થ ઓર્ગેનાઇઝેશને જણાવ્યુ છે કે, જો સમય કરતા વહેલા ટીકાકરણ કરવામાં આવે તો બીમારીના ખતરાને સરળતાથી રોકી શકાય છે.
સગીરાઓને અપાશે વેક્સીન
પાકિસ્તાનની સરકારે આ વેક્સીન માત્ર સગીરાઓને જ આપવાનું નક્કી કર્યુ છે. પાકિસ્તાનમાં 1 કરોડ સગીરાને વેક્સીન આપવામાં આવશે. જેમની ઉંમર 9થી 14 વર્ષની વચ્ચે હોય તેઓ આ અભિયાનનો ભાગ બનશે. પાકિસ્તાનમાં પોલિયો વેક્સીન મામલે પણ વિવાદ સર્જાયો હતો. દેશમાં વર્ષ 2012થી 2025 સુધી પોલિયો ટીમમાં 20થી વધુ હુમલાઓ થઇ ચુક્યા છે. અને 110 લોકો જીવ ગુમાવી ચુક્યા છે. તેમાં પોલિયો રસીના કર્મચારીઓ અને પોલીસકર્મીઓ સામેલ હતા.
