- આજે અફઘાનિસ્તાન અને સાઉથ આફ્રિકા વચ્ચે મેચ
- અફઘાનિસ્તાન માટે આ મેચ કરો યા મરોની સ્થિતિ
- આ મેચ અમદાવાદના સ્ટેડિયમ ખાતે રમાશે
વર્લ્ડ કપ 2023માં દક્ષિણ આફ્રિકા અને અફઘાનિસ્તાન આજે (9 નવેમ્બર) એકબીજાનો સામનો કરશે. આ મેચ અમદાવાદના નરેન્દ્ર મોદી સ્ટેડિયમમાં બપોરે 2 વાગ્યે શરૂ થશે. અત્યાર સુધી આ બંને ટીમો ODI ક્રિકેટમાં માત્ર એક જ વાર ટકરાયા છે. તેમની વચ્ચે એકમાત્ર મેચ 15 જૂન 2019ના રોજ થઈ હતી, જેમાં પ્રોટીઝ ટીમે ડકવર્થ-લુઈસ નિયમનો ઉપયોગ કરીને અફઘાનિસ્તાનને 9 વિકેટે હરાવ્યું હતું. જો કે આ ચાર વર્ષમાં અફઘાન ટીમ ઘણી મજબૂત બની છે.
અફઘાનિસ્તાન માટે કરો યા મરોની સ્થિતિ
અફઘાનિસ્તાને આ વર્લ્ડ કપમાં પાકિસ્તાન, ઈંગ્લેન્ડ અને શ્રીલંકા જેવી ટીમોને હરાવી છે. આવી સ્થિતિમાં દક્ષિણ આફ્રિકા સાથેની તેની મેચ પણ રોમાંચક રહેવાની આશા છે. જો કે અફઘાન ટીમ સેમીફાઈનલની રેસમાંથી લગભગ બહાર થઈ ગઈ છે અને પ્રોટીઝ ટીમે પહેલાથી જ લાસ્ટ-4 માટે ટિકિટ બુક કરી લીધી છે. આવી સ્થિતિમાં વર્લ્ડ કપની દૃષ્ટિએ આ મેચનું કોઈ મહત્વ નથી. તેમ છતાં, કેટલાક રસપ્રદ આંકડા ચોક્કસપણે આ મેચને ખાસ બનાવે છે.
કોણ બનાવશે રેકોર્ડ
- પ્રથમ બેટિંગ કરતા, દક્ષિણ આફ્રિકાએ આ વર્ષે તેની 90.90% ODI મેચો જીતી છે. પ્રોટીઝ ટીમે આ વર્ષે 11 વનડેમાં પ્રથમ બેટિંગ કરી અને તેમાંથી 10 જીતવામાં સફળ રહી. આવી સ્થિતિમાં, જો પ્રોટીઝ પ્રથમ બેટિંગ કરશે તો અફઘાનિસ્તાન તેમને કેવી રીતે રોકે છે તે જોવું રસપ્રદ રહેશે.
- અફઘાનિસ્તાનનો બેટ્સમેન રહમત શાહ ODI મેચોમાં 4000 રનના આંકને સ્પર્શવાથી માત્ર 13 રન દૂર છે. જો તે આજની મેચમાં આટલા રન બનાવશે તો તે ચાર હજાર વનડે રન પુરા કરનાર ચોથો અફઘાન ક્રિકેટર બનશે.
- જો ફાસ્ટ બોલિંગ ઓલરાઉન્ડર માર્કો યાનસીન આજે એક વિકેટ લે છે, તો તે વિશ્વ કપમાં દક્ષિણ આફ્રિકા માટે સૌથી વધુ વિકેટ લેનાર બોલર બની જશે.
- વર્ષ 2023માં 200થી વધુ રન બનાવનારા તમામ બેટ્સમેનોમાં દક્ષિણ આફ્રિકાના હેનરિક ક્લાસેનનો સ્ટ્રાઈક રેટ સૌથી વધુ છે. આ વર્ષે અત્યાર સુધીમાં ક્લાસને 148.67ના સ્ટ્રાઈક રેટથી રન બનાવ્યા છે.
- વર્લ્ડ કપ 2023માં દક્ષિણ આફ્રિકાનો બેટ્સમેન રાસી વાન ડેર ડુસેન 8 મેચમાં 6 વખત સ્પિનરોનો શિકાર બન્યો છે. આવી સ્થિતિમાં તે અફઘાન સ્પિનરો સામે ક્યાં સુધી ટકી શકે છે તે જોવું રહ્યું.
