શ્રી કૃષ્ણ શરણં મમ-એ સ્વસ્તિક છે : મોરારિબાપુ
સાચ્ચો બુધ પુરૂષ ‘લેના બેંક’ નથી, ‘દેના બેંક’ જ હોય છે!
શ્રી કૃષ્ણ સ્વયં સ્વસ્તિક છે
તુમ્હે જીંદગી કે ઉજાલે મુબારક, અંધેરે હમે આજ રાસ આગયે હૈ
ચંપારણની કથામાં પૃષ્ટિમાર્ગ સંપ્રદાયના શ્રી દ્વારકેશલાલજી મહારાજ ઉપસ્થિત રહ્યા
‘માનસ ભારત સ્વસ્તિક યાત્રા’ (સોપાન-૨) ગઇકાલે છઠ્ઠા દિવસે મહાપ્રભુ વલ્લભાચાર્યજીની પ્રાગ્ટયભૂમિ ચંપારણ (ચંપારણ્ય) પહોંચી હતી. રામકથાનો પ્રેમમય સંવાદ આગળ ધપાવતાં પરમપ્રિય-પરમ સાધુ બાપુએ જણાવ્યું હતું કે સમગ્ર વિશ્વને પૃષ્ટિનું પ્રદાન કરનારી આ જગદગુરૂ-મહાપ્રભુ વલ્લભાચાર્યજીની પ્રાગ્ટયભૂમિ છે. અહીં પ્રાચીન સમયમાં ચંપાનું સઘન રણ હતું એટલે ચંપારણ્ય કહેવાયું, કાળક્રમે ચંપારણ થયું. વલ્લભાચાર્યજીએ જગતને ‘શૃધ્ધાધ્વૈત’નો સિધ્ધાંત આપ્યો છે. અહીં ચંપકેશ્વર મહાદેવ અને રામજી મંદિર પણ છે. એટલે મહાપ્રભુજીનો આ સમન્વય છે. વર્ષો પહેલા અહીં કથા કરી હતી ત્યારે એક કથાપ્રેમી વૈષ્ણવનું (બ્રાહ્મણ શરીર હતું) અવસાન થયું હતું અને અમે અહીં જ એમનો અંતિમ સંસ્કાર થયો હતો એનુંય મને સ્મરણ થાય છે.
શ્રી કૃષ્ણ શરણં મમ્ – આ મંત્ર એક સ્વસ્તિક છે. શ્રી – એટલે કલ્યાણ, કૃષ્ણ તો સોળ કળાના કલ્યાણકારક છે. શરણં – કોઇ પણ પરમનું શરણ હંમેશા કલ્યાકારી છે અને મમ્ – એટલે મારા પ્રભુ ગિરિરાજધારી પ્રભુ. પરમાત્મા કૃષ્ણ તો આ શ્રી કૃષ્ણ શરણં મમ્ એ રીતે સ્વસ્તિક છે.
બે પાક્કા દોસ્ત હતાં. એમાં એક બહુ કાટ (હોંશિયાર-ચતુર) હતો એક સાવ ભોળો હતો. તો એમણે એક ગરમ ધાબળો લીધો. વર્ષો જૂની મિત્રતા, બંને સાથે જ રહેતા હતા અને શિયાળો આવ્યો, ખૂબ ઠંડી પડી એટલે બંનેએ નક્કી કર્યુ કે ગરમ ધાબળો લઇએ. એક જ ધાબળો લીધો હતો તો બંને ઓઢી ન્હોતા શકતાં એટલે જે કાટ મિત્ર હતો. એણે ભોળા મિત્રને કીધું કે આપણે ધાબળાના બે કટકા કરીએ, ત્યારે ભોળો મિત્ર કહે અરે, બે કટકા કરીશું તો કોઇ સરખી રીતે ઓઢી ન શકે! કાટ મિત્ર કહે તો આપણે એક કામ કરીએ-ધાબળો આખો દિવસ તું ઉપયોગમાં લેજે અને સાંજ પડે ત્યારે હું ઉપયોગ કરીશ! ભોળો મિત્ર તો આની વાતમાં આવી ગયો અને તરત સંમત થયો. હવે રાત્રે-રાત્રે ધાબળો પૈલા કાટ મિત્રના ભાગે આવતો., ઠંડી ખૂબ હતી તો બિચારો સહન કરતો એટલે એ ભોળો મિત્ર મારી પાસે (મોરારિબાપુ) પાસે આવ્યો, બધી વાત કરી, મેં કહ્યું કાલે આવજે. બીજે દિવસે એ ભોળો મિત્ર આવ્યો મેં કીધું કે ધાબળો આખો દિવસ તારી પાસે જ હોય છે ને અને રાત્રે શરત મુજબ મિત્રને આપવાનો હોય છેને તો સાંજ પડે ત્યારે એ ધાબળો અડધી કલાક પાણીમાં બોળી રાખજે અને પછી પેલા મિત્રને આપી દે (ભલે આખી રાત એ ઓઢે!)
આજની કથામાં પૃષ્ટિમાર્ગના દ્વારકેશ લાલજીમહારાજ વિશેષ ઉપસ્થિત રહ્યા હતાં અને પોતાની પ્રસન્નતા પ્રગટ કરી હતી અને કથા શ્રવણનો લ્હાવો લીધો હતો. બાપુએ એમની ભાવવંદના કરી હતી.
કથારત્નો
(૧) અધરમ્ – મધુરમ્, વંદન મધુરમ, નયનમ્ મધુરમ્, હસિતં મધુરમ્…મધુરાધિપતે રખિલમ્ મધુરમ…
(૨) ચિત્રકૂટમાં શ્રી વલ્લભાચાર્યજીએ વાલ્મિકી રામાયણનું કથા ગાન કર્યુ છે એટલે ચિત્રકૂટમાં પણ એક પ્રભુજીની બેઠક છે.
(3) તુમ ગગન કે ચંદ્રમાં મેં ધરા કી ધૂલ હું, તુમ પુણ્ય કે દેવતા હો મેં સમર્પિત ફૂલ હૂ, તુમ હો પૂજા મેં પૂજારી…
(૪) કોઇપણ પરમની શરણાગતિ કલ્યાણકારી હોય છે.
(૫) ‘અક્રોધ’ વૈરાગ્ય જીતેન્દ્રીયત્વમ, ક્ષમાધ્યા સર્વજન પ્રિયત્વમ્ નિર્લોભ દાનમ્ ભયશોક વિહિનમ્ બોધવિગ્રહમ્ તન્હમ દસ ઉડીયા બાબા લક્ષણમ્


