- રોહિત શર્મા, શુભમન ગિલ અને શ્રેયસ અય્યરને વહેલા આઉટ કર્યા
- વિરાટના આઉટ થતાં જ ચાહકોમાં નિરાશા છવાઈ
- વિરાટ 54 રને કમિન્સ દ્વારા બોલ્ડ થયો
ઓસ્ટ્રેલિયા સામે રમાઈ રહેલી શાનદાર મેચમાં વિરાટે કોઈક રીતે ઇનિંગ્સને સંભાળી લીધી અને 50 રનના આંકને સ્પર્શ કર્યો પરંતુ તેણે ટીમ ઈન્ડિયાને પણ આડેહાથ છોડી દીધી હતી. રોહિત શર્મા, શુભમન ગિલ અને શ્રેયસ અય્યરને વહેલા આઉટ કર્યા બાદ ટીમ ઈન્ડિયાને વિરાટ પાસેથી ઘણી અપેક્ષાઓ હતી. પરંતુ તેની ફિફ્ટી પૂરી કરીને તે પેવેલિયન પરત ફર્યો હતો. વિરાટ 54 રને કમિન્સ દ્વારા બોલ્ડ થયો હતો.
વિરાટ 54 રને કમિન્સ દ્વારા બોલ્ડ થયો
વિરાટ કોહલીએ 63 બોલ રમ્યા અને 4 ચોગ્ગાની મદદથી ટીમ માટે 54 રન જોડ્યા હતા. પરંતુ તે કમિન્સનો બોલ ચૂકી ગયો અને બોલ્ડ થયો હતો. વિરાટના આઉટ થતાં જ ચાહકોમાં નિરાશા છવાઈ ગઈ હતી. જો કે, વિરાટ વહેલો આઉટ થયા બાદ પણ ઘણા રેકોર્ડ બન્યા હતા.
વિરાટ કોહલી વર્લ્ડ કપમાં પ્રદર્શન
વિરાટ કોહલી વર્લ્ડ કપમાં સતત 50થી વધુ રન બનાવનાર બેટ્સમેન બની ગયો છે. તેણે 2023 વર્લ્ડ કપની 5 મેચોમાં સતત 50થી વધુ રન બનાવ્યા છે. આજે તેણે ઓસ્ટ્રેલિયા સામે 54 રન, પ્રથમ સેમીફાઈનલમાં ન્યુઝીલેન્ડ સામે 117 રન, નેધરલેન્ડ સામે 51 રન, દક્ષિણ આફ્રિકા સામે 101 રન અને શ્રીલંકા સામે 88 રન બનાવ્યા હતા. તેના સિવાય સ્ટીવ સ્મિથ પણ આ યાદીમાં સામેલ છે, તેણે 2015 વર્લ્ડ કપમાં સતત 5 મેચમાં 50થી વધુ રન બનાવ્યા હતા.
કોહલીના આઉટ થયા બાદ સોશિયલ મીડિયા પર યુઝર્સે કંઈક આ રીતે ટ્વિટ કર્યું હતું. એક યુઝરે લખ્યું હતું કે, રોહિત શર્મા, શુભમન ગિલ, શ્રેયસ અય્યર અને વિરાટ કોહલી પેવેલિયન પરત ફર્યા બાદ ભારતીય ક્રિકેટ ફેન્સ આ રીતે મેચ જોઈ રહ્યા છે. કેએલ રાહુલ અને જાડેજા ઓસ્ટ્રેલિયન બોલિંગનો ડર ટાળી રહ્યા છે.
