- રાજસ્થાનના નાગૌરમાં રખડતાં ઢોરોનો વધતો ત્રાસ
- એક સાથે 5 બળદોએ એક સાથે કર્યો યુવક પર હુમલો
- મિત્રોએ પોતાનો જીવજોખમમાં મૂકીને બચાવ્યો મિત્રનો જીવ
રાજસ્થાનના નાગૌરમાંથી એક હૃદયદ્રાવક વીડિયો સામે આવ્યો છે. વીડિયોમાં જોઈ શકાય છે કે 5 બળદોએ એક સાથે મળીને 17 વર્ષના છોકરા પર હુમલો કર્યો. બેકાબૂ બળદ લગભગ એક મિનિટ સુધી છોકરાને કચડી રહ્યા છે. આખલાઓનો આતંક નજીકમાં લાગેલા સીસીટીવીમાં કેદ થયો હતો. તો, મિત્રોએ વચ્ચે પડીને યુવકને બચાવી લેતા મોટી જાનહાનિ સર્જાતાં અટકાઈ ગઈ હતી.
બુલ એટેકનો આ સમગ્ર મામલો નાગૌર જિલ્લાના મેડતાના રેન રોડ પર સ્થિત ગરીબ નવાઝ ગેસ્ટ હાઉસની બહાર બન્યો હતો. ઝફર પઠાણ તેના મિત્રો રેયાન અને મોયલ સાથે અહીંની એક હોટલમાં ડિનર કરવા જઈ રહ્યો હતો. દરમિયાન, જ્યારે ઝફર મેડતાના રેન રોડ સ્થિત ગરીબ નવાઝ ગેસ્ટ હાઉસ પાસે પહોંચ્યો ત્યારે બળદ રસ્તા પર ચાલતો આવ્યો. બાદમાં અચાનક ત્યાં ઉભેલા ચાર-પાંચ યુવકોને છોડીને ઝફર પઠાણને નિશાન બનાવ્યો હતો.
મિત્રોએ પોતાનો જીવજોખમમાં મૂકીને બચાવ્યો મિત્રનો જીવ
ત્યારબાદ, નજીકમાં ઊભેલો બીજો બળદ આવ્યો અને બંનેએ મળીને ઝફર પર હુમલો કર્યો. બે બળદોએ મળીને ઝફર પર પગ અને શિંગડા વડે હુમલો કર્યો. આ ઘટનાક્રમ લગભગ 1 મિનિટ 20 સેકન્ડ સુધી ચાલુ રહ્યો. આ દરમિયાન નજીકમાં ઉભેલા ઝફરના મિત્રો તેની મદદ માટે વચ્ચે આવ્યા. એટલામાં તો વધુ 3 બળદો અચાનક આવી ગયા અને હુમલો કર્યો. સ્થાનિક લોકો પણ ઘટના સ્થળે પહોંચી ગયા હતા.
સમગ્ર ઘટના નજીકના CCTV કેમેરામાં થઈ કેદ
ત્યારબાદ, સ્થાનિક લોકો પણ વચ્ચે પડ્યા જેને કારણે ઝફરનો જીવ બચી ગયો. આ સમગ્ર ઘટના નજીકમાં લાગેલા CCTV કેમેરામાં કેદ થઈ ગઈ હતી, જે હવે વાયરલ થઈ રહી છે. જાણવા મળી રહ્યું છે કે સમગ્ર ઘટનામાં ઝફરના શરીર પર ઘણી ઇજાઓ થઈ છે. તેને પ્રાથમિક સારવાર આપવામાં આવી છે અને તે સ્વસ્થ છે.
