ક્રિસમસને લઈને કુલ્લૂમાં પ્રવાસીઓની ભારે ભીડ, રસ્તાઓ થયા ચક્કાજામ

• 6 મહિના બાદ ધમધમતું થયું હિમાચલ પ્રદેશ 
• મુસાફરોની ભીડ જોઈ હોટલ માલિકોમાં ખુશ 
• કસોલ પાર્વતી વેલી સહિત અનેક સ્થળો પેક 

25 ડિસેમ્બરે કુલ્લુમાં હજારો પ્રવાસી વાહનો ટ્રાફિક જામમાં અટવાયા હતા. ક્રિસમસ અને નવા વર્ષની ઉજવણી કરવા માટે પ્રવાસીઓ હિલ સ્ટેશન પર પહોંચી ગયા હતા. રોહતાંગના પ્રખ્યાત સ્થળ અટલ ટનલમાં ટ્રાફિક જામ થયો હતો. પ્રવાસીઓએ છ મહિના બાદ કુલ્લુ જિલ્લાના પ્રવાસન સ્થળોની મોટી સંખ્યામાં મુલાકાત લીધી હતી. પ્રવાસીઓને જોઈને પર્યટન વ્યવસાયીઓના ચહેરા પર ચમક જોવા મળી હતી. નાતાલના અવસર પર, મોટી સંખ્યામાં પ્રવાસીઓ કુલ્લુ જિલ્લાના પર્યટન સ્થળો જેવા કે મણિકર્ણ, જોજ, કસોલ, તોશ, બંજારની તીર્થન વેલી, જીભી, જલોડી જોટ, કુલ્લુ મનાલીની આસપાસના વિસ્તારો પર પહોંચ્યા હતા. આ દરમિયાન પ્રવાસીઓને ટ્રાફિક જામની સમસ્યાનો સામનો કરવો પડ્યો હતો.

ક્યાં પહોંચ્યા કેટલા વાહનો?

સતત ટ્રાફિક જામના કારણે સ્થાનિક લોકો સહિત પ્રવાસીઓ તેમના ગંતવ્ય સ્થાને મોડા પહોંચ્યા હતા. સોમવારે ક્રિસમસ નિમિત્તે હોમસ્ટે સહિત નાની-મોટી હોટલો ખીચોખીચ ભરાઈ ગઈ હતી. પ્રવાસન વ્યવસાયીઓના ચહેરા પણ ચમકી ઉઠ્યા. નાતાલના સપ્તાહના શનિવાર અને રવિવારે બે દિવસમાં 10,000 પ્રવાસી વાહનો કસોલ પહોંચ્યા અને 4,000 પ્રવાસી વાહનો મણિકર્ણ ખીણમાં તીર્થન પહોંચ્યા. આવી સ્થિતિમાં પ્રવાસી વાહનોનું સતત આગમન ચાલુ રહ્યું હતું. સોમવારે 4000 વાહનો મણિકરણ વેલી અને 1500થી વધુ વાહનો તીર્થન વેલી પહોંચ્યા.

કસોલ પાર્વતી વેલી સંપૂર્ણ પેક થઈ

કસોલ પાર્વતી ખીણ નાતાલની ઉજવણી માટે સંપૂર્ણ રીતે ભરાઈ ગઈ હતી. કોર્પોરેશનની હોટલોની સાથે નાની-મોટી ખાનગી હોટલો પણ ધમધમતી જોવા મળી હતી. પર્યટન વ્યવસાયીઓનું કહેવું છે કે પહેલા કોરોના અને પછી કુદરતી આફતોથી અમને ઘણું નુકસાન થયું છે. ઘણા વર્ષો પછી હવે પ્રવાસીઓની ભારે ભીડ જોવા મળી હતી. સામાન્ય રીતે, ક્રિસમસ અને નવા વર્ષ દરમિયાન મનાલી સહિત નજીકના પર્યટન સ્થળો પર મહત્તમ 80 ટકા ઓક્યુપેન્સી રહેતી હતી. આ વખતે રેકોર્ડ તોડતા પ્રવાસીઓ હિમાચલ પ્રદેશના કુલ્લુ જિલ્લામાં પહોંચ્યા છે. પ્રવાસીઓને અનેક જગ્યાએ ટ્રાફિક જામનો પણ સામનો કરવો પડ્યો હતો.