- અભિનેતા અને રાજકારણી વિજયકાંતે લીધા છેલ્લા શ્વાસ
- કોવિડ પોઝિટિવ બાદ હોસ્પિટલમાં હતા દાખલ
- વિજયકાંતે 154 ફિલ્મોમાં અભિનય કર્યો
અભિનેતા-રાજકારણી અને DMDK ચીફ કેપ્ટન વિજયકાંતનું નિધન થયું છે. પાર્ટીના જણાવ્યા અનુસાર, તેમનો કોવિડ ટેસ્ટ પોઝિટિવ આવ્યો હતો અને શ્વાસ લેવામાં તકલીફને કારણે તેમને વેન્ટિલેટર સપોર્ટ પર રાખવામાં આવ્યા હતા.
અગાઉ પાર્ટીએ હેલ્થી સ્થિતિ જણાવી
DMDK મંગળવારે કહ્યું હતું કે તેમને નિયમિત સ્વાસ્થ્ય તપાસ માટે હોસ્પિટલમાં દાખલ કરવામાં આવ્યા છે. પાર્ટીએ કહ્યું હતું કે વિજયકાંત “તંદુરસ્ત” છે અને પરીક્ષણ પછી ઘરે પરત ફરશે. જો કે, આજે પાર્ટીએ કહ્યું હતું કે તેમનો કોવિડ -19 ટેસ્ટ પોઝિટિવ આવ્યો છે અને તેમને શ્વાસ લેવામાં તકલીફ થઈ રહી હોવાથી તેઓ વેન્ટિલેટર સપોર્ટ પર હતા.
વિજયકાંતને જ્યાં દાખલ કરવામાં આવ્ય હતા તે હોસ્પિટલમાં મેડિકલ બુલેટિન બહાર પાડવામાં આવ્યું હતું કે, ‘કેપ્ટન વિજયકાંત ન્યુમોનિયાના કારણે દાખલ થયા બાદ વેન્ટિલેટર સપોર્ટ પર હતા. તબીબી સ્ટાફના શ્રેષ્ઠ પ્રયાસો છતાં 28 ડિસેમ્બર 2023ના રોજ સવારે તેમનું અવસાન થયું હતું.
54 ફિલ્મોમાં કામ કર્યું
ડીએમડીકેના વડાને પણ 20 નવેમ્બરે હોસ્પિટલમાં દાખલ કરવામાં આવ્યા હતા અને આ મહિને તેઓ હોસ્પિટલમાંથી ઘરે પરત ફર્યા હતા. વિજયકાંતની હોસ્પિટલમાં શ્વાસની બીમારીની સારવાર ચાલી રહી હતી. વિજયકાંતની ફિલ્મી સફર શાનદાર રહી અને તેણે ઘણી હિટ ફિલ્મો આપી અને 154 ફિલ્મોમાં અભિનય કર્યો છે. ફિલ્મો બાદ તેઓ રાજકારણમાં જોડાયા હતા. તેમણે DMDKની સ્થાપના કરી અને વિરુધાચલમ અને ઋષિવંદ્યમ મતવિસ્તારનું પ્રતિનિધિત્વ કરતા બે વખત વિધાનસભાના સભ્ય તરીકે સેવા આપી હતી.
વિરોધ પક્ષના નેતા પણ હતા
2011થી 2016 દરમિયાન તેઓ તમિલનાડુ વિધાનસભામાં વિરોધ પક્ષના નેતા બન્યા ત્યારે તેમની રાજકીય કારકિર્દી ચરમસીમા પર હતી. હાલમાં વર્ષોમાં વિજયકાંતની તબિયત ચિંતાનો વિષય છે જેના કારણે તેઓ સક્રિય રાજકીય ભાગીદારીમાંથી ખસી ગયા છે.
