- DRDOના હૈદરાબાદ સ્થિત આર્મમેન્ટ રિસર્ચ એન્ડ ડેવલપમેન્ટ એસ્ટાબ્લિશમેન્ટ દ્વારા બનાવાઇ રાઇફલ
- Ugram Assault Rifle 7.62x51mm કેલિબરની રાઈફલ
- રાઇફલનું વજન 4 કિલોથી ઓછું અને રેન્જ 500 મીટર છે
ભારતીય રક્ષા અનુસંધાન સંગઠન (DRDO)ના હૈદરાબાદ ખાતે આવેલ આર્મમેન્ટ રિસર્ચ એન્ડ ડેવલપમેન્ટ એસ્ટાબ્લિશમેન્ટ (ARDE) ભારતીય સેના માટે નવી એસોલ્ટ રાઇફલ લોન્ચ કરી છે. આ રાઈફલનું નામ ઉગ્રમ (Ugram Assault Rifle) છે. આ 7.62x51mm કેલિબરની રાઈફલ છે. જેનું વજન 4 કિલોગ્રામથી ઓછું છે. અને તેની રેન્જ 500 મીટર છે.
આર્મમેન્ટ અને કોમ્બેટ એન્જિનિયરિંગના મહાનિર્દેશક શૈલેન્દ્ર ગડેએ જણાવ્યું હતું કે થોડા મહિના પહેલા જનરલ સ્ટાફ ક્વોલિટેટીવ રિક્વાયરમેન્ટ્સે ભારતીય સેના માટે નવી રાઈફલની માંગ કરી હતી. ત્યારબાદ DRDOએ એક ખાનગી કંપની સાથે મળીને માત્ર 100 દિવસમાં આ રાઈફલ બનાવી છે.
રશિયા અને યુક્રેન વચ્ચે ચાલી રહેલા યુદ્ધને કારણે હવે AK-47 રાઈફલ્સની આયાત કરવામાં આવી રહી નથી. આ ઉપરાંત એકે-203 રાઈફલનો પ્રોજેક્ટ પણ શરૂ થઈ શક્યો નથી. તેથી આ રાઈફલ બનાવવાની ખૂબ જ જરૂરિયાત હતી. ARDEના ડાયરેક્ટર એ રાજુએ કહ્યું કે DRDOએ રાઈફલની ડિઝાઈન તૈયાર કરી છે. ત્યારબાદ તેને બનાવવાનું કામ ખાનગી કંપનીને આપવામાં આવ્યું છે.
રાઈફલ્મ મેન્યુઅલ અને ઓટોમેટિક મોડ
વેપનનું ટેસ્ટિંગ સમય માંગી લે તેવી પ્રક્રિયા છે. તેમાં ચોકસાઈ, ઇઝી ઓપરેશન વગેરે જોવા મળે છે. આ રાઈફલમાં 20 રાઉન્ડનું મેગેઝિન હશે. આ એક રાઈફલ છે જે સિંગલ શોટ અને ઓટોમેટિક મોડમાં ચાલે છે. જો AK શ્રેણી અથવા AR ટાઈપની રાઇફલ્સ સાથે સરખામણી કરવામાં આવે તો તેની ડિઝાઇન રિવેટ ફ્રી છે.
દરેક સિઝનમાં કરાશે રાઈફલનું ટેસ્ટિંગ
એ. રાજુએ કહ્યું કે હાલમાં તેઓ ભારતીય સેનાના અધિકારીઓ સાથે એક ટીમ બનાવી રહ્યા છે, જે આ રાઇફલનું ટેસ્ટિંગ કરશે. તે પણ અલગ અલગ સિઝનમાં. જેથી જાણી શકાય કે આ એસોલ્ટ રાઈફલ કેટલી અસરકારક છે. આ રાઈફલનું ટેસ્ટિંગ બરફવાળા વિસ્તારો અને રણમાં કરવામાં આવશે. આ કામ જંગલોથી લઈને વર્ષાઋતુ સુધી કરવામાં આવશે.
ટ્રાયલ માટે 5 રાઈફલ્સ બનાવવામાં આવી
DRDOએ આ પ્રોજેક્ટ બનાવવાનું કામ દ્વિપા આર્મર ઈન્ડિયા કંપનીને આપ્યું હતું. આ કંપનીના ડિરેક્ટર જી. રામ ચૈતન્ય રેડ્ડીએ કહ્યું કે અમે 30 લાઇસન્સવાળી બંદૂક બનાવતી સ્વદેશી કંપનીઓમાં સામેલ છીએ. પરંતુ આ રાઇફલનું કામ અમને મળ્યું છે. અને અમે આ રાઈફલને રેકોર્ડ ટાઈમમાં બનાવી છે. અમે ટેસ્ટિંગ માટે 5 રાઈફલ્સ બનાવી છે. ત્યારબાદ, અમે વધુ 15 રાઈફલ્સ સેનાને ટેસ્ટિંગ માટે આપીશું.
