- NHAI એ 31 જાન્યુઆરી સુધી FasTag નું KYC કરાવવા કહ્યું
- FasTag નું KYC નહીં હોય તો બેન્ક બ્લેક લિસ્ટ કરી દેશે
- FasTag થી 90 ટકા લાઈનમાં ઊભા રહેવાની સમસ્યા ઘટી
જો તમારી પાસે ફોર વ્હીલર ગાડી છે તો તમારે હાઈવે ઉપર ટોલ ટેક્સ ભરવો પડતો હશે. જેના માટે ભારત સરકાર દ્વારા હવે FasTag દરેક ગાડીઓ માટે ફરજિયાત કરી દીધું છે. જેનાથી વાહન ચાલકોએ ટોલ ટેક્ષ પર લાંબી લાઈનોમાં ઊભા રહેવાની ઝંઝટમાંથી છુટકારો મળી ગયો છે અને ગણતરીની મિનીટોમાંજ ટોલ ટેક્ષ ચુકવીને વાહન ચાલક પસાર થઈ જાય છે.
FasTag કેવાસી 31 જાન્યુઆરી સુધી કરાવી લો
પરંતુ હવે માહિતી મળી રહી છે કે, નેશનલ હાઈવે ઓથોરિટી ઓફ ઈન્ડિયાએ જાહેર કર્યું છે કે, જે વાહન ચાલકો પાસે FasTag છે તેમણે 31 જાન્યુઆરી 2024 પહેલાં તેનું કેવાયસી કરાવી લેવું ફરજિયાત છે નહીં તો, વગર કેવાયસીના FasTag ને બન્કો બ્લેક લિસ્ટ કરી દેવામાં આવશે. જેથી જો વાહન ચાલકે તેનું ફાસટેગ કેવાયસી નહીં કરાવ્યું હોય તો તેને ટોલ ટેક્ષ ભરવામાં મુશ્કેલી સર્જાશે અને તેની મુસાફરીમાં વિક્ષેપ પડી શકે છે.
વન વ્હીકલ, વન FasTag આવશે
હવે નેશનલ હાઈવે ઓથોરિટી ઓફ ઈન્ડિયા દ્વારા જણાવાયું છે કે, અમે FasTag ને અપડેટના રુપમાં લઈ જઈ રહ્યાં છીએ. જેથી હવે One Vehicle, One FasTag ટુંક સમયમાં લાગુ કરી દેવામાં આવશે. જેથી જો કોઈ FasTag ધારકે 31 જાન્યુઆરી સુધીમાં કેવાયસી નહીં કરાવ્યું હોય તો તેને બેન્ક દ્વારા બ્લેક લિસ્ટ કરી દેવામાં આવશે અને નવા કેવાયસી કરેલા ફાસટેગ એકોઉન્ટ જ સક્રિય રહેશે. વધુ માહિતી માટે ફાસટેગ યુઝર્સ નજીકના ટોલ પ્લાઝા કે ફાસટેગ સંબંધિત બેન્કના ટોલ-ફ્રી નંબર પર સંપર્ક કરી શકે છે.
NHAI એ ફરિયાદને આધારે નિર્ણય લીધો
તાજેતરમાં જ નેશનલ હાઈ-વે ઓથોરિટીને ફરિયાદ મળી હતી કે, એક જ ગાડી માટે ઘણા બધાં ફાસટેગ લેવામાં આવ્યાં છે અને કેવાયસી કરાવેલ નથી. ત્યારબાદ નેશનલ હાઈવે ઓથોરિટી ઓફ ઈન્ડિયાએ આ દિશામાં મોટું પગલું ભર્યું છે અને વન વ્હીકલ, વન ફાસટેગ ને ત્વરિત અમલ કરવાનો નિર્ણય લીધો છે.
90 ટકા લાઈનમાં ઊભા રહેવાની સમસ્યા ઘટી
માર્ગ પરિવહન અને ધોરીમાર્ગ મંત્રાલયે જણાવ્યું હતું કે, હવે ભારતમાં FasTag એ ટોલ ટેક્ષ ઉઘરાણીમાં ક્રાંતિ લાવી દીધી છે અને 90 ટકાના લાઈનમાં ઊભા રહેવાની સમસ્યાને ઘટાડી દીધી છે અને 8 કરોડથી વધુ વાહન ધારકોની સાથે FasTag ઝડપી સિસ્ટમ બની ગઈ છે. હવે, વન વ્હીકલ, વન ફાસ્ટેગથી રાષ્ટ્રીય ધોરીમાર્ગ વપરાશકર્તાઓ માટે સરળતા થશે અને નેશનલ હાઈવે પર વાહન ચાલકોને વધુ સારી અનુભૂતિ થશે.
