- સાતમની વાનગીઓમાં મેથી રહેશે બેસ્ટ ઓપ્શન
- મેથીનું શાક, મૂઠિયા, થેપલા બની શકશે
- ટેસ્ટ અને હેલ્થની રીતે મેથી છે ગુણકારી
આવતીકાલે રાંધણ છઠ્ઠનો તહેવાર છે. જો તમે પણ શું બનાવવું તેમ વિચારી રહ્યા છો તો તમે સ્વાસ્થ્ય માટે ગુણકારી એવી મેથીની ભાજીને પસંદ કરી શકો છો. તમે મેથીનું શાક, મેથીના મુઠિયા બનાવીને ટ્રાય કર્યા હશે. તો આજે અમે તમારા માટે મેથીની વધુ એક વાનગી લઇને આવ્યા છીએ. તમે શીતળા સાતમ માટે થેપલા પણ બનાવી શકો છો. આ ઠંડા થેપલા તમે ચટણી સાથે કે આથેલા મરચા સાથે સરળતાથી ખાઈ શકો છો અને તેનો ટેસ્ટ પણ સારો રહે છે.
સામગ્રી
- 1 બાઉલ ઘઉંનો લોટ
- 1 બાઉલ બાજરીનો લોટ
- 2 ચમચી તેલ મોણ માટે
- 1/2 ચમચી હળદર
- 1 ચમચી મરચું
- 1/4 ચમચી હિંગ
- 2 ચમચી દહીં
- 2 ચમચી ખાંડ
- 1 ચમચી તલ
- 100 ગ્રામ મેથીની ભાજી
- 8-10 કળી લસણ
- મીઠું સ્વાદ અનુસાર
બનાવવાની રીત
સૌ પ્રથમ એક મોટા વાસણમાં લોટ લઇ તેમાં મોણ, બધી સામગ્રી તથા પાણી ઉમેરીને લોટ બાંધવો. હવે તેના લુઆ પાડીને તેને કોરા ઘઉંના અટામણની મદદથી વણી લો. ત્યાર બાદ તેને સરખા ગોળાકાર વણી લો. હવે એક તવી ગરમ કરી તેની પર ઘી કે તેલ મૂકો અને હવે થેપલા શેકી લો. બન્ને સાઇડથી થેપલા બરાબર આછા બ્રાઉન રંગના શેકાઇ જાય એટલે તેને ગરમા ગરમ સર્વ કરો. તેની ઉપર તમે બટર લગાવીને પણ ટ્રાય કરી શકો છો. તે સિવાય તમે થેપલાને અથાણા કે દહીં સાથે પણ સર્વ કરી શકો છો.
