- ગુજરાતમાં મતદાનની તૈયારીઓનો ધમધમાટ
- મુખ્ય ચૂંટણી અધિકારી પી.ભારતીએ કરી સમીક્ષા
- પોલીસ અધિકારીઓ પણ કોન્ફરન્સમાં રહ્યા હાજર
લોકસભા ચૂંટણી 2024 ના પ્રથમ બે તબક્કાનું મતદાન પૂર્ણ થઈ ગયું છે અને હવે આગામી 7મી મેના રોજ લોકસભા ચૂંટણીનું ત્રીજા તબક્કાનું મતદાન યોજવા જઈ રહયું છે. ગુજરાતની 25 બેઠકોની સાથે સાથે કુલ 12 રાજ્યોની 94 લોકસભા બેઠકો પર મતદાન થવાનું છે જેને લઈને આજે ગાંધીનગર ખાતે ચૂંટણી પંચ દ્વારા તમામ જિલ્લાઓના જિલ્લા કલેક્ટરો સાથે વર્ચ્યુઅલ બેઠક કરવામાં આવી અને ચૂંટણી તૈયારીઓને લઈને સમીક્ષા કરવામાં આવી.]
મતદાનને લઈને તૈયારીઓનો ધમધમાટ
મળતી માહિતી પ્રમાણે, લોકસભા ચૂંટણીના ત્રીજા તબક્કાના મતદાનને લઈને તૈયારીઓનો ધમધમાટ ચાલી રહ્યો છે ત્યારે ચૂંટણી પંચ દ્વારા ગાંધીનગર ખાતે જિલ્લા કલેક્ટરો સાથે વિડીયો કોન્ફરન્સના માધ્યમથી બેઠક કરવામાં આવી. લોકસભા ચૂંટણીના ત્રીજા તબક્કાના મતદાનને લઈને તૈયારીઓની સમીક્ષા કરવાના હેતુથી કલેક્ટરો સાથે બેઠક કરવામાં આવી.
મુખ્ય ચૂંટણી અધિકારીએ કલેક્ટરો સાથે કરી વાત
મહત્વનું છે કે ગાંધીનગર ખાતે આયોજિત વિડીયો કોન્ફરન્સ દ્વારા મુખ્ય ચૂંટણી અધિકારી પી. ભરતીએ જિલ્લા કલેક્ટરો સાથે વાત કરીને તૈયારીઓને લઈને માહિતી મેળવી હતી. તો આ સમીક્ષા બેઠકમાં ચૂંટણી પંચના અધિકારીઓની સાથે પોલીસ વિભાગના અધિકારીઓ પણ વિડીયો કોન્ફરન્સના માધ્યમથી સામેલ થયા હતા.
