- વલસાડ ખાતે યુવાધન નશાના રવાડે ચડે એ પેહલા નશાની બોટલો જપ્ત કરી
- પોલીસે પાન ગલ્લાના સંચાલકની કરી ધરપકડ
- સુરતના એક આરોપીને ફરાર જાહેર કર્યો
વલસાડ SOGએ અતુલ પાન પાર્લર ખાતેથી 115 બોટલ કફ સિરપની જપ્ત કરી છે,જેમાં એક આરોપીની ધરપકડ કરાઈ છે,તો સુરતનો એક આરોપી ફરાર થયો છે.પ્રતિબંધક સિરપનું વેચાણ થતું હોવાની બાતમીના આધારે SOGએ રેડ કરી જથ્થો કબ્જો કર્યો છે,તો આ સિરપની બોટલ કોને અને કયા આપવાની હતી તેને લઈ વધુ તપાસ હાથધરી છે.
બે મહિના પહેલા મોરબીમાંથી ઝડપાઈ કફ સિરપ બોટલ
મોરબી સીટી એ-ડિવિઝન પોલીસ ટીમ પેટ્રોલિંગમાં હતી. એ દરમિયાન લાતી પ્લોટ શેરી નં 1/2 વચ્ચે આવેલી શ્રી હરિકૃપા ટ્રાન્સપોર્ટમાં એબોટ કંપનીની ફેન્સેડિલ નામનો નશાકારક કોડીનયુક્તયુક્ત કફ સિરપનો જથ્થો રાખેલો હોવાની બાતમી મળતા ટીમે સ્થળ પર રેડ કરી હતી. જ્યાં ટ્રાન્સપોર્ટ ગોડાઉન ખાતે રાખવામાં આવેલી નશાકારક કોડીનયુક્ત સિરપનો જથ્થો મળી આવ્યો હતો. મોરબી એ-ડિવિઝન પોલીસ ટીમે સ્થળ પરથી નશાકારક કફ સિરપની બોટલો નંગ 10 હજાર, કિંમત રૂ. 20.54 લાખની કિંમતનો જથ્થો અને મોબાઈલ કિંમત રૂ. 5000 સહિત કુલ રૂ. 20.59 લાખનો જથ્થો કબજે લીધો હતો.
23 ફેબ્રુઆરી 2024ના રોજ ઝડપાઈ સિરપ
ભાવનગર એસઓજી પોલીસને બાતમી મળી હતી કે શહેરના માલધારી સોસાયટીમાં આઈ મેડિકલ એજન્સીમાં મોટાપાયે કોડેઈન નામની કફ સિરપનો ગેરકાયદેસર રીતે વેચાણ થઈ રહ્યું છે. જોકે આ કફ સિરપની બોટલથી ભાવનગરના યુવાઓ નશાના રવાડે ચડ્યા છે તે પણ સત્ય છે. પરંતુ આ કફ સિરપની બોટલ યુવાનો માટે ઘાતક સાબિત થઈ રહી છે તે નકારી શકાય નહીં.ભાવનગર શહેરના વિવિધ વિસ્તારોમાં જેમકે આણંદ નગર વિસ્તાર, કુંભારવાડા વિસ્તાર, કરચલીયા પરા, આડોડિયા વાસ, ચિત્રા સહિતના પાન મસાલાની દુકાનો પર પણ આસાનીથી ઉપલબ્ધ થાય તેવી કોડેઈન કફ સિરપની બોટલનું મોટાપાયે વેચાણ થઈ રહ્યું હતુ. મેડિકલ શોપ અને દુકાનદારો માત્ર 150 રૂપિયાનું કમિશન મેળવવા માટે આ પ્રકારના નશાકારક કફ સિરપની બોટલ વેચીને યુવાધનને નશાના રવાડે ચડાવી રહ્યા હતા.
18 માર્ચ 2024ના રોજ મહેસાણામાંથી ઝડપાઈ સિરપ
મહેસાણામાં શંકાસ્પદ નશાકારક સિરપ સાથે એક શખ્સને SOG પોલીસે પકડી પાડયો હતો. આ શખ્સ એક્ટિવામાં કફ સિરપની બોટલ હેરાફેરી કરતો ઝડપાયો હતો. મહેસાણાના રાધનપુર રોડ પર આવેલા મારુતિ નંદન ફ્લેટમાં રહેતા મોદી ધર્મેશ નામના શખ્સની ધરપકડ કરવામાં આવી હતી. જેની પાસેથી કોઈ પણ માર્ક કે સ્ટીકર વગરની કફ સિરપની 15 બોટલ જપ્ત કરવામાં આવી હતી.
