લાલ રંગની એમ્બ્રોઇડરી પર નક્ષી, અને જરદોઝી વર્ક તેમજ સ્ટોન, સિક્વિન્સ, કોપર ટિક્કી અને રેડ સિલ્કથી બનેલો ડ્રેસ ખૂબસૂરત લાગતો હતો
અનંત અંબાણી અને રાધિકા મર્ચન્ટ જિયો વર્લ્ડ સેન્ટરમાં વૈદિક હિંદુ વિધિ મુજબ સાત ફેરા લઈ લગ્ન બંધનમાં બંધાઈ ચૂક્યો છે.તેમના લગ્નમાં દેશ-વિદેશની પ્રતિષ્ઠિત હસ્તીઓએ હાજરી આપી હતી.લગ્ન પહેલાના અનેક ફંકશનમાં દુલ્હન રાધિકા મર્ચંટનો જાજરમાન લુક જોઈને લોકો વિચારતા હતા કે જ્યારે લગ્ન વિધિ થશે ત્યારે દુલ્હનનો લુક કેવો હશે? ગઈ કાલે જ્યારે આ જાજરમાન લગ્ન સંપન્ન થયા છે ત્યારે અનંત અંબાણીની દુલ્હન રાધિકા મર્ચન્ટનો બ્રાઈડલ લુક સામે આવ્યો છે. અંબાણી પરિવારની પુત્રવધૂ એ તેના ખાસ દિવસ માટે ગુજરાતી બ્રાઈડલ લુક પર પસંદગી ઉતારી છે.
જાજરમાન લાગતી દુલ્હને ડિઝાઈનર અબુ જાની સંદીપ ખોસલાએ ડિઝાઈન કરેલો ડ્રેસ પહેર્યો હતો.રાધિકા મર્ચન્ટે અબુ સંદીપના ‘પાનેતર’ કલેક્શનમાંથી લહેંગા પહેર્યો હતો. ગુજરાતી પરંપરા મુજબ દુલ્હન બની, સફેદ લહેંગા સાથે લાલ દુપટ્ટો પહેર્યો, જેમાં તે ખૂબ જ સુંદર લાગી રહી હતી.વિશ્વ સુંદરી ને પણ પાછળ રાખી દે એટલી સુંદર લાગતી નવવધૂને જોઈને દરેકની આંખો ચાર થઇ જતી હતી.
રાધિકા મર્ચન્ટના આ હાથીદાંતના જરદોઝી કટ-વર્ક પોશાકમાં લાંબી પગદંડી અને 5 મીટરનો અ ટીશ્યુ શોલ્ડર દુપટ્ટો ઉમેરાયો હતો. લહેંગા પર લાલ રંગની એમ્બ્રોઇડરી જોવા મળી હતી, જેના પર નક્ષી, સાદી અને જરદોઝી વર્ક હતું. સ્ટોન, સિક્વિન્સ, કોપર ટિક્કી અને રેડ સિલ્કથી બનેલો આ લહેંગા ખૂબ જ સુંદર લાગે છે. રાધિકાના માથાનો પડદો જાળીનો છે અને તેના પર કટ-વર્ક છે. આ આઉટફિટ સાથે રેડ કલરના શોલ્ડર દુપટ્ટા ખૂબસૂરત લાગી રહ્યો હતો.
દુલ્હનને શોભે તેવી જ્વેલરી સમગ્ર દેખાવમાં ચાર ચાંદ લગાડી રહી હતી. તેણીએ ચોકર સાથે મલ્ટી-લેયર નેકલેસ પહેર્યો છે. રાધિકા તેના કાનમાં બુટ્ટી, કપાળ પર માંગ ટીક્કા અને બિંદી પહેરીને ખૂબ જ સુંદર લાગી રહી છે. લાલ બંગડીઓ અને આર્મલેટ તેના બ્રાઇડલ લુકને વધુ ખૂબ સુરત બનાવતો હતો.
