ટીમ ઈન્ડિયાના ખેલાડીઓ હાલ ઈંગ્લેન્ડ પ્રવાસે છે. IPLની ભવ્ય સફળતા બાદ ક્રિકેટ ચાહકોને IPLમાં સ્ફોટક બેટિંગ કરનારા ખેલાડીઓ પાસે ઈંગ્લેન્ડમાં ખુબજ સારા પ્રદર્શનની આશા હોય એ બિલકુલ સ્વભાવિક વાત છે. એવામાં ઓસ્ટ્રેલિયાના એક મહાન ખેલાડીએ પણ ભારતીય યુવા ખેલાડી અંગે સારી રમતની અપેક્ષા રાખતા એક મોટું નિવેદન આપ્યું છે.
ભારતીય ખેલાડીઓનું શાનદાર પ્રદર્શન
ભારતીય ક્રિકેટ ટીમ ઇંગ્લેન્ડની ધરતી પર 5 મેચની ટેસ્ટ શ્રેણી રમવા માટે પહોંચી ચૂકી છે. આવનારી 20 જૂનથી આ ટેસ્ટ શ્રેણીની શરૂઆત થવાની છે, ત્યારે ભારતીય ખેલાડીઓ આ ટેસ્ટ શ્રેણી પહેલા પ્રેક્ટિસ મેચમાં શાનદાર પ્રદર્શન કરતા દેખાઈ રહ્યા છે. ઓસ્ટ્રેલિયાના પૂર્વ કપ્તાન અને દિગ્ગજ ખેલાડી માઈકલ ક્લાર્કે ભારતના એક યુવા ખેલાડી અંગે એક મોટું નિવેદન આપ્યું છે. આ પહેલા પણ માઇકલ ક્લાર્ક ભારતીય ટીમે વિશે ઘણીવાર મોટા નિવેદનો આપી ચૂક્યા છે. થોડા સામે પહેલા તેમને વિરાટ અંગે પણ નિવેદન આપ્યું હતું.
શું કહ્યું માઈકલ ક્લાર્કે?
ઓસ્ટ્રેલિયાના ભૂતપૂર્વ કપ્તાન અને દિગ્ગજ ખેલાડી માઈકલ ક્લાર્કે ટીમ ઇન્ડિયાના એક યુવા ખેલાડી વિશે એક મોટું નિવેદન આપતા કહ્યું છે, કે હમણાં જ આ યુવા ખેલાડીએ ipl 2025માં પોતાની બેટિંગનો પરચો આપીને ધમાકેદાર પરફોર્મન્સથી લોકોના દિલ જીતી લીધા છે અને આ જ કારણથી ઇંગ્લેન્ડ સામેની ટેસ્ટ સિરીઝ પહેલા ભારતીય ટીમ તેમને ટેસ્ટ ટીમમાં સ્થાન આપ્યું છે. જો આજ રીતે આ યુવા ખેલાડી ઈંગ્લેન્ડ સામે તેનું પ્રદર્શન જાળવી રાખસે તો ચોક્કસથી ભારતીય ટીમમાં તેનું સ્થાન નિશ્ચિત છે.
સુદર્શન ભવિષ્યનો સુપર સ્ટાર
ઓસ્ટ્રેલિયાના પૂર્વ ખેલાડી માઈકલ ક્લાર્કનું માનવું છે, કે જે રીતે સાંઈ સુદર્શને ipl 2025માં ધાકડ પર્ફોમન્સ કર્યું છે એ ઉપરથી લાગી રહ્યું છે કે આવનારી 20 જૂને શરૂ થનાર ઇન્ડિયા-ઇંગ્લેન્ડ ટેસ્ટ શ્રેણીમાં સુદર્શને ત્રણ નંબર ઉપર બેટિંગ કરવી જોઈએ, કેમ કે અત્યારે તેમનો આત્મવિશ્વાસ આસમાને અડી રહ્યો છે. માઈકલ ક્લાર્કે વધુમાં કહ્યું કે સાઇ સુદર્શન આવનારા ભવિષ્યનો એક સુપર સ્ટાર ખેલાડી છે. આવનારા ભવિષ્યમાં તે ભારત માટે ટી20 અને વન-ડે બંનેમાં બેટિંગ કરતા દેખાઈ શકે છે.
