ભારત અને દક્ષિણ આફ્રિકા વચ્ચે પાંચ મેચની T20 આંતરરાષ્ટ્રીય સીરિઝ ચાલી રહી છે.ભારતના અભિષેક શર્મા નંબર વન પર યથાવત છે. તિલક વર્મા હવે બીજા સ્થાન પહોંચ્યો છે, જ્યારે ભારતીય T20 કેપ્ટન સૂર્યકુમાર યાદવ હવે ટોપ 10 માંથી બહાર નીકળવાની અણી પર છે
અભિષેક શર્મા નંબર વનના સ્થાન પર
ICC એ નવી T20 રેન્કિંગ જાહેર કરી છે ભારતના ઓપનિંગ બેટ્સમેન અભિષેક શર્મા 909 ના વર્તમાન રેટિંગ સાથે નંબર વન પર યથાવત છે. 1.ઇંગ્લેન્ડના ફિલ સોલ્ટ 849 ના વર્તમાન રેટિંગ સાથે બીજા સ્થાને છે. શ્રીલંકાના પથુમ નિસાન્કા 779 ના રેટિંગ સાથે ત્રીજા સ્થાને યથાવત છે. દરમિયાન, ભારતના તિલક વર્મા બે સ્થાન ઉપર ચઢી ગયા છે. તિલક વર્માનું રેટિંગ હવે 774 છે, અને તે ચોથા નંબર પર પહોંચવામાં સફળ રહ્યા છે.
તિલક વર્માના છલાંગ થી આ ખેલાડીને થયું નુકસાન
તિલક વર્માના કૂદકાને કારણે ઈંગ્લેન્ડના જોસ બટલર એક સ્થાન નીચે આવી ગયા છે. તેમનું રેટિંગ હવે 770 છે. પાકિસ્તાનના સાહિબઝાદા ફરહાન પણ આ વખતે એક સ્થાન નીચે આવી ગયા છે. મિશેલ માર્શ એક સ્થાન આગળ વધીને 684 રેટિંગ સાથે આઠમા ક્રમે પહોંચી ગયા છે. ન્યુઝીલેન્ડના ટિમ સીફર્ટ બે સ્થાન આગળ વધીને 683 રેટિંગ સાથે નવમા ક્રમે પહોંચી ગયા છે.
સૂર્યકુમાર યાદવ એક સ્થાન ઘટીને 10માં ક્રમે પહોંચી ગયો
આ દરમિયાન, ભારતીય ટીમના કેપ્ટન સૂર્યકુમાર યાદવ અંગે ચિંતા છે. થોડા મહિના પહેલા સુધી ICC T20 રેન્કિંગમાં નંબર વન બેટ્સમેન રહેતો સૂર્યા હવે ટોપ 10માંથી બહાર થવાની અણી પર છે. આ વખતે સૂર્યાએ પણ એક સ્થાન ગુમાવ્યું છે, 669 રેટિંગ સાથે 10માં સ્થાને આવી ગયો છે. 2.હવે, તેની ઇનિંગમાં વધુ એક નિષ્ફળતા તેને ટોપ 10માંથી બહાર કરી દેશે. ભારત અને દક્ષિણ આફ્રિકા વચ્ચે ચાલી રહેલી T20 સીરિઝમાં હજુ બે મેચ બાકી છે. આ મેચોમાં તેને મોટી ઇનિંગ રમવાની જરૂર પડશે.
